༄༅།།ལི་ཁེ་ཆང་གིས་གནང་བའི<<སྲིད་གཞུང་གི་ལས་དོན་སྙན་སྒྲོན>>(ནད་བསྡུས།)

མི་དམངས་དྲ་བའི་འཕྲིན། འདས་པའི་ལོ་གཅིག་གི་རིང་རང་རྒྱལ་གྱི་དཔལ་འབྱོར་དང་སྤྱི་ཚོགས་འཕེལ་རྒྱས་འགྲོ་ཚུལ་སྤྱི་ཡོངས་ནས་བརྟན་པོ་ཡིན་པ་དང་བརྟན་པོའི་ངང་ནས་འཕེལ་བཞིན་ཡོད་པ།
         རྒྱལ་སྲིད་སྤྱི་ཁྱབ་ཁང་གི་ཙུང་ལི་ལི་ཁེ་ཆང་གིས་ཚེས་5ཉིན་རྒྱལ་ཡོངས་མི་དམངས་འཐུས་ཚོགས་སྐབས་བཅུ་གཉིས་པའི་ཚོགས་འདུ་ཐེངས་གསུམ་པའི་ཐོག་གནང་བའི་སྲིད་གཞུང་ལས་དོན་སྙན་སྒྲོན་ནང་བསྟན་དོན། འདས་པའི་ལོ་གཅིག་རིང་། རང་རྒྱལ་གྱི་འཕེལ་རྒྱས་ལ་རྒྱལ་སྤྱི་རྒྱལ་ནང་གི་ཁོར་ཡུག་རྙོག་འཛིང་ཆེན་པོ་ཐུག་ཅིང་། འཛམ་གླིང་དཔལ་འབྱྱོར་བསྐྱར་དར་དཀའ་ཞིང་བར་ཆད་ཆེ་བ་དང་། དཔལ་འབྱོར་དངོས་ཚན་གཙོ་བོའི་འཕེལ་ཕྱོགས་ཁ་འཐོར་བཞིན་ཡོད། རྒྱལ་ནང་གི་དཔལ་འབྱོར་བསྟུད་མར་འཕེལ་ཤུགས་ཞན་པོར་འགྱུར་དོགས་ཆེ་བ་དང་། དཀའ་ངལ་དང་འགྲན་སློང་མང་པོ་འདྲེས་མར་གནས་ཡོད། བློ་མཐུན་ཞིས་ཅིན་ཕིང་གིས་སྤྱི་ཁྱབ་ཧྲུའུ་ཅི་གནང་བའི་ཏང་ཀྲུང་དབྱང་གི་འགྱུར་མེད་སྟོབས་ལྡན་གྱི་དབུ་ཁྲིད་འོག རྒྱལ་ཡོངས་མི་རིགས་ཁག་གི་མི་དམངས་ཀྱིས་མི་ཁྲི་སེམས་གཅིག་དང་། དཀའ་སྤྱད་འགག་སྒྲོལ་བྱས་པས། ལོ་ཧྲིལ་པོའི་དཔལ་འབྱོར་དང་སྤྱི་ཚོགས་འཕེལ་རྒྱས་གཏོང་བའི་དམིགས་འབེན་དང་ལས་འགན་གཙོ་བོ་ལེགས་འགྲུབ་བྱུང་བ་དང་། བསྒྱུར་བཅོས་ཟབ་སྤེལ་ཁྱོན་ཡོངས་ནས་བྱེད་པའི་འགོ་ཡག་པོར་ཚུགས་པ། ཁྲིམས་ལྟར་རྒྱལ་ཁབ་སྐྱོང་བའི་འཐབ་ལམ་གསར་པ་འབྱེད་པར་ཁྱོན་ཡོངས་ནས་སྐུལ་འདེད་བཏང་བ། འབྱོར་འབྲིང་སྤྱི་ཚོགས་ཁྱོན་ཡོངས་ནས་བསྐྲུན་ཐུབ་པར་བྱེད་པའི་གོམ་སྟབས་བརྟན་པོ་བསྐྱར་མར་སྤོས་པ་བཅས་བྱས་ཡོད།
         ལོ་གཅིག་རིང། རང་རྒྱལ་གྱི་དཔལ་འབྱོར་དང་སྤྱི་ཚོགས་འཕེལ་རྒྱས་འགྲོ་ཚུལ་སྤྱི་ཡོངས་ནས་བརྟན་པོ་ཡིན་པ་དང་། བརྟན་པོའི་ངང་ནས་འཕེལ་བཞིན་ཡོད།
         ལི་ཁེ་ཆང་གིས་གསུངས་དོན། “བརྟན་པོའི་”མཚོན་བྱེད་གཙོ་བོ་ནི་དཔལ་འབྱོར་འཁོར་སྐྱོད་ཚུལ་མཐུན་གྱི་མཚམས་སུ་གནས་ཡོད། འཕེལ་ཚུལ་བརྟན་པོ་ཡིན་པ་དང་། རྒྱལ་ནང་གི་ཐོན་སྐྱེད་རིན་ཐང་བསྡོམས་འབོར་སྒོར་དུང་ཕྱུར་ཁྲི་63.6ཟིན་པས། ལོ་གོང་མ་ལས་བརྒྱ་ཆ་7.4འཕར་བ་དང་། འཛམ་གླིང་གི་དཔལ་འབྱོར་དངོས་ཚན་ཁྲོད་མདུན་གྲལ་དུ་སླེབས་ཡོད། ལས་ཀར་ཞུགས་ཚུལ་བརྟན་པོ་བྱུང་ཡོད་དེ། གྲོང་ཁྱེར་དང་གྲོང་རྡལ་དུ་ལས་ཀར་ཞུགས་མི་ཁྲི་1322ཟིན་པས། ན་ནིང་ལས་མང་བ་བྱུང་ཡོད། རིན་གོང་བརྟན་པོ་བྱུང་ཡོད་དེ། གྲོང་མིའི་འཛད་སྤྱོད་རིན་གོང་འཕར་ཚད་བརྒྱ་ཆ་2ཟིན་ཡོད། “འཕེལ་བའི”མཚོན་བྱེད་གཙོ་བོ་ནི་འཕེལ་ཚུལ་མཐུན་སྦྱོར་ཆེ་བ་དང་རྒྱུན་མཐུད་ཐུབ་ཚུལ་ཇེ་ཆེར་ཕྱིན་པ་རེད། དཔལ་འབྱོར་གྲུབ་ཚུལ་བཟང་འགྱུར་བསྐྱར་མ་བྱུང་བ་དང་། འབྲུ་རིགས་ཐོན་འབོར་སྤྱི་རྒྱ་དུང་ཕྱུར་1.21ཟིན་ཞིང་། འཛད་སྤྱོད་ཀྱིས་དཔལ་འབྱོར་འཕེལ་བར་ལེགས་སྐྱེས་འབུལ་ཚད་བརྒྱ་ཆ་3ཡིན་པས་བརྒྱ་ཆ་51.2བར་འཕར་བ་དང་། ཞབས་ཞུའི་ལས་རིགས་ཀྱི་གནས་ཐང་འཕར་ཚད་བརྒྱ་ཆ་46.9ནས་བརྒྱ་ཆ་48.2བར་འཕར་བ། ཐོན་ལས་གསར་པ་དང་། ལས་རྣམ་གསར་པ། ཚོང་ལས་གསར་པ་གཉེར་སྟངས་བཅས་རྒྱུན་མ་ཆད་པར་ཐོན་ཡོད། དབུལ་ནུབ་ཁུལ་གྱི་དཔལ་འབྱོར་འཕེལ་ཚད་ནུབ་རྒྱུད་ས་ཁུལ་ལས་མྱུར་བ་བྱུང་ཡོད། འཕེལ་རྒྱས་གཏོང་བའི་སྤུས་ཚད་ཇེ་བཟང་དུ་སོང་བ་དང་། སྤྱི་པའི་སྔོན་རྩིས་སྤྱིར་བཏང་གི་ཡོང་སྒོ་བརྒྱ་ཆ་8.6འཕར་བ། ཞིབ་འཇུག་དང་ཚོད་ལྟའི་འཕེལ་རྒྱས་གྲོན་དངུལ་གཏོང་སྒོས་རྒྱལ་ནང་ཐོན་སྐྱེད་རིང་ཐང་བསྡོམས་འབོར་ལས་བརྒྱ་ཆ་2ལས་བརྒལ་བ། ནུས་ཁུངས་ཟད་གྲོན་བརྒྱ་ཆ་4.8ཆག་པ་དེ་ཉེ་ལོའི་ནང་ཆག་པ་མང་ཤོས་ཡིན། མི་དམངས་ཀྱི་འཚོ་བ་ལེགས་བཅོས་བསྐྱར་མ་བྱུང་ཞིང་། རྒྱལ་ཡོངས་ཀྱི་གྲོང་མི་མི་རེའི་སྤྱད་འཐུས་ཆ་སྙོམས་ཡོང་སྒོ་བརྒྱ་ཆ་8དངོས་སུ་འཕར་བས། དཔལ་འབྱོར་འཕར་ཚུལ་ལས་མྱུར་བ་བྱུང་ཡོད། གྲོང་གསེབ་ཀྱི་གྲོང་མི་མིའི་སྤྱད་འཐུས་ཆ་སྙོམས་ཡོང་སྒོ་བརྒྱ་ཆ་9.2དངོས་སུ་འཕར་ཏེ་གྲོང་ཁྱེར་དང་གྲོང་རྡལ་གྱི་གྲོང་མིའི་ཡོང་སྒོ་ལས་འཕར་མགྱོགས་པ་བྱུང་ཡོད། གྲོང་གསེབ་ཀྱི་དབུལ་ཕོངས་མི་གྲངས་ཁྲི་1232ཉུང་དུ་ཕྱིན་པ་དང་། གྲོང་གསེབ་ཀྱི་མི་གྲངས་ཁྲི་6600ལྷག་ཙམ་གྱི་འཐུང་ཆུ་ཉེན་ཅན་གྱི་གནད་དོན་ཐག་གཅོད་ཐུབ་ཡོད། རྒྱལ་ཁོངས་ཕྱིར་ཡུལ་སྐོར་དུ་སྐྱོད་མི་ཐེངས་གྲངས་དུང་ཕྱུར་1ལས་བརྒལ་ཡོད། བསྒྱུར་བཅོས་སྒོ་འབྱེད་འགག་གནད་གསར་པ་སྒྲོལ་ཐུབ་པ་དང་། བསྒྱུར་བཅོས་ཟབ་སྤེལ་ཁྱོན་ཡོངས་ནས་བྱེད་པའི་བརྒྱུད་རིམ་གྱི་ལས་འགན་གཙོ་བོ་ལག་བསྟར་བྱེད་འགོ་ཚུགས་ཤིང་། སྲིད་གཞུང་སྐབས་འདི་གའི་སྲིད་འཛིན་ཞིབ་མཆན་འགོད་པའི་དོན་དག་གསུམ་ཆ་གཅིག་ཉུང་དུ་གཏོང་བའི་དམིགས་འབེན་སྔ་སྣུར་དུ་འགྲུབ་པ་རེད། གྲུབ་འབྲས་དེ་ནི་ལས་སླ་པོར་བྱུང་བ་གཏན་ནས་མིན་ཏེ། དེ་རྒྱལ་ཡོངས་མི་རིགས་ཁག་གི་མི་དམངས་ཀྱིས་རྔུལ་ཆུ་བཏོན་ནས་དཀའ་སྡུག་མྱངས་པ་ལས་བྱུང་བས། བློ་སྟོབས་ཆེན་པོས་མདུན་སྐྱོད་བྱེད་པའི་ང་ཚོའི་ཆོད་སེམས་ཡིད་ཆེས་ཇེ་བརྟན་དུ་གྱུར་ཡོད།
         འདས་པའི་ལོ་གཅིག་གི་རིང་བར་མཚམས་སྙོམས་སྒྲིག་བྱེད་པའི་རྨང་གཞིའི་ཐོག་ཁ་ཕྱོགས་གཏན་འཁེལ་གྱིས་སྙོམས་སྒྲིག་བྱས་ནས་དཔལ་འབྱོར་རྒྱུན་མཐུད་ཐོག་བརྟན་པོའི་ངང་ནས་འཕེལ་བར་བྱས་ཡོད་པ།
         རྒྱལ་སྲིད་སྤྱི་ཁྱབ་ཁང་གི་ཙུང་ལི་ལི་ཁེ་ཆང་གིས་ཚེས་5ཉིན་སྲིད་གཞུང་གི་ལས་དོན་སྙན་སྒྲོན་གནང་སྐབས་གསུངས་དོན། འདས་པའི་ལོ་གཅིག་རིང་ང་ཚོས་བར་མཚམས་སྙོམས་སྒྲིག་བྱེད་པའི་རྨང་གཞིའི་ཐོག་ཁ་ཕྱོགས་གཏན་འཁེལ་གྱིས་སྙོམས་སྒྲིག་བྱས་ནས་དཔལ་འབྱོར་རྒྱུན་མཐུད་ཐོག་བརྟན་པོའི་ངང་ནས་འཕེལ་བར་བྱས་ཡོད།
         དཔལ་འབྱོར་འཕེལ་ཤུགས་ཞན་པོར་འགྱུར་ལྡོག་ཆེ་ཚུལ་ཐོན་པར་དམིགས་ཏེ་ང་ཚོས་འཐབ་ཇུས་ཀྱི་སྒོམ་ཤུགས་ལྡན་པའི་རྒྱུན་བསྐྱངས་པ་དང་། སྤྱི་ཁོག་གི་དཔལ་འབྱོར་སྲིད་ཇུས་བརྟན་པོ་ཡོང་བར་བྱས་ནས་དུས་ཐུང་གི་སྐུལ་མ་ཐེབས་ཐབས་མ་བྱས་པར། སྤྱི་ཁོག་སྙོམས་སྒྲིག་གི་བསམ་གཞི་དང་བྱེད་སྟངས་མུ་མཐུད་གསར་གཏོད་བྱས་པ་དང་། ཁ་ཕྱོགས་གཏན་འཁེལ་གྱིས་སྙོམས་སྒྲིག་བྱས་ཏེ་གསོན་ཤུགས་རྒྱས་པ། ཆད་ཁ་མཐུད་པ། གཉེར་གཞི་བཟང་བ་བཅས་ཡོང་བར་བྱས་པ་ཡིན། དཔལ་འབྱོར་འཁོར་སྐྱོད་གོང་འོག་མཚམས་ཚད་ཚུལ་མཐུན་ཡོང་བར་བྱས་ཏེ་འཕེལ་རྒྱས་གཏོང་བའི་ཁྲོད་ཀྱི་འགལ་བ་དམིགས་བསལ་དང་གྲུབ་ཚུལ་རང་བཞིན་གྱི་གནད་དོན་དམ་འཛིན་དང་། ཁ་ཕྱོགས་གཏན་འཁེལ་གྱིས་སྲིད་ཇུས་དོན་འཁྱོལ། འཕེན་ཡུལ་འབེན་ལ་དམིགས་ནས། ཤེད་ཤུགས་ཆེན་པོས་གནད་དུ་བསྣུན་པ་བཞིན་བཅས་བྱས་ཡོད། བསྒྱུར་བཅོས་ཀྱི་སྒུལ་ཤུགས་སྐྱེད་པ་དང་། གྲུབ་ཚུལ་ལེགས་སྒྲིག་ཀྱི་རོགས་སྐྱོར། དམངས་ཕན་གྱི་རྟིང་ཤུགས་སྐྱེད་པ་བཅས་བྱས་ཏེ་ཚོང་རའི་དགོས་མཁོ་ཆེ་རུ་བཏང་ཡོད་ལ། ཕན་འབྲས་ཐོན་པའི་མཁོ་སྤྲོད་མང་དུའང་བཏང་བ་དང་། གྲུབ་ཚུལ་བཟང་པོར་སྙོམས་ཀྱང་མྱུར་ཚད་མི་ཆག་པའི་འབད་བརྩོན་བྱས་ཡོད།
     དགེ་མཚན་ལྡན་པའི་ནོར་སྲིད་ཀྱི་སྲིད་ཇུས་དང་དངུལ་ལོར་གྱི་སྲིད་ཇུས་བརྟན་པོ་ལག་བསྟར་ཕན་འབྲས་ཐོན་པར་བྱས་ཡོད། ཁ་ཕྱོགས་གཏན་འཁེལ་གྱིས་དཔྱ་ཁྲལ་བཅག་པ་དང་འགྲོ་གྲོན་ཡོངས་ཁྱབ་ཏུ་བཅག་པ་དང་། ཁེ་ལས་ཆུང་ཕྲན་གྱི་དཔྱ་ཁྲལ་བསྡུ་བར་གཟིགས་སྐྱོང་གི་སྲིད་ཇུས་ཁྱབ་ཁྱོན་ཆེ་རུ་བཏང་ཡོད། “ལས་གཉེར་དཔྱ་ཁྲལ་རིན་འཕར་དཔྱ་ཁྲལ་དུ་བསྒྱུར་བའི”ཚོད་ལྟ་བྱེད་ཁྱོན་ཆེ་རུ་བཏང་ཡོད། ནོར་སྲིད་ཀྱི་གཏོང་སྒོའི་མྱུར་ཚད་མགྱོགས་སུ་བཏང་བ་དང་། མ་དངུལ་བསགས་པ་གང་འགབ་ཅི་སྤྱོད་ཧུར་ཐག་བྱས་ཡོད། དངུལ་ལོར་སྲིད་ཇུས་ཀྱི་བྱ་ཐབས་སྟབས་བསྟུན་གྱིས་སྤྱད་པ་དང་། ཁ་ཕྱོགས་གཏན་འཁེལ་གྱིས་བཅོལ་དངུལ་གྲབས་འཇོག་བྱེད་ཚད་གཅོག་པ་དང་། ཁ་ཕྱོགས་གཏན་འཁེལ་གྱིས་དངུལ་བུན་བསྐྱར་མ་གཏོང་བ། སྐྱེད་གཅོག་དོ་མཉམ་མ་ཡིན་པ་སོགས་ཀྱི་ཐབས་ལ་བརྟེན་ནས་དཔལ་འབྱོར་དང་སྤྱི་ཚོགས་འཕེལ་རྒྱས་ཀྱི་ལྷུ་ཚིགས་ཞན་སར་རོགས་སྐྱོར་བྱེད་ཤུགས་ཆེ་རུ་བཏང་ཡོད། ཁེ་ལས་ཆུང་འབྲིང་དང་། “ཞིང་གསུམ་”ལ་དངུལ་བུན་གཏོང་བའི་འཕར་ཚད་ནི་དངུལ་བུན་གཏོང་རིགས་ཁག་གི་ཆ་སྙོམས་ལས་སོ་སོར་བརྒྱ་ཆ4.2དང་བརྒྱ་ཆའི་གཞི་གྲངས་0.7འཕར་ཡོད། དུས་མཚུངས་སུ་དངུལ་རྩའི་ལྟ་སྐུལ་དོ་དམ་འཐུས་སྒོ་ཚང་དུ་བཏང་ནས་ས་ཁོངས་དང་རྒྱུད་ཁོངས་རང་བཞིན་གྱི་ཉམས་ཉེན་མི་ཡོང་བར་བྱེད་པའི་ཚད་མཐའ་གཅིག་ཏུ་བསྲུངས་ཡོད།
         འདས་པའི་ལོ་གཅིག་རིང་ང་ཚོས་གྲུབ་ཚུལ་ལེགས་སྒྲིག་ཤུགས་ཆེན་བྱས་ནས་འཕེལ་རྒྱས་ཀྱི་གཏིང་ཤུགས་ཆེ་རུ་བཏང་བ།
         རྒྱལ་སྲིད་སྤྱི་ཁྱབ་ཁང་གི་ཙུང་ལི་ལི་ཁེ་ཆང་གིས་ཚེས་5ཉིན་སྲིད་གཞུང་གི་ལས་དོན་སྙན་སྒྲོན་གནང་སྐབས་གསུངས་དོན། ལོ་གཅིག་རིང་ང་ཚོས་གྲུབ་ཚུལ་ལེགས་སྒྲིག་ཤུགས་ཆེན་བྱས་ནས་འཕེལ་རྒྱས་ཀྱི་གཏིང་ཤུགས་ཆེ་རུ་བཏང་ཡོད།
         ཞིང་ལས་ཀྱི་རྨང་གཞི་རྒྱུན་མ་ཆད་པར་བརྟན་དུ་བཏང་ཡོད། ཞིང་པ་རྒྱས་སྐྱོང་ཕྱུག་གསུམ་ཡོང་བའི་སྲིད་ཇུས་སྤེལ་ཤུགས་ཇེ་ཆེར་བཏང་བ་དང་། འབྲུ་རིགས་ཐོན་འབོར་“བསྟུད་མར་ཐེངས་བཅུ་གཅིག་རིང་འཕར་བ”དང་། ཞིང་པའི་ཡོང་སྒོ་“བསྟུད་མར་ཐེངས་ལྔ་འཕར་མགྱོགས་པོ་བྱུང”སྟེ། ཞིང་ལས་ཕྱོགས་བསྡུས་ཀྱིས་ཐོན་སྐྱེད་བྱེད་ནུས་བརྟན་པོའི་ངང་ནས་ཆེ་རུ་སོང་ཡོད། ཞིང་ལས་ཚན་རྩལ་དང་འཕྲུལ་ཆས་ཅན་དུ་སྒྱུར་བའི་ཆུ་ཚད་མུ་མཐུད་མཐོ་རུ་བཏང་ཞིང་། ཆུ་བེད་ཀྱི་ལས་གྲྭ་གལ་ཆེན་སྐྲུན་པའི་མྱུར་ཚད་ཇེ་མགྱོགས་སུ་བཏང་བ། ཆུ་གྲོན་ཆུང་བྱས་ཏེ་ཞིང་ཆུ་འདྲེན་ཁྱོན་མུའུ་ཁྲི་3345འཕར་བ། གྲོང་གསེབ་ཀྱི་གཞུང་ལམ་གསར་སྐྲུན་དང་རྒྱས་སྐྲུན་སྤྱི་ལེ་ཁྲི་23བྱས་ཡོད། ཞིང་དོར་ནགས་གསོ་རྩྭ་འདེབས་བྱེད་ཐེངས་གསར་པ་འགོ་ཚུགས་ཡོད། གྲོང་གསེབ་ཀྱི་ས་ཆའི་བདག་དབང་གཏན་འཁེལ་ཐོ་འགོད་ཀྱིས་ལག་ཁྱེར་སྤྲོད་འགྲེམ་གོ་རིམ་ལྡན་པར་བྱེད་བཞིན་ཡོད་ཅིང་། ཞིང་ལས་གཉེར་སྐྱོང་དཔེ་གསར་གྱི་གྲུབ་ཆ་གཙོ་བོ་འཕེལ་རྒྱས་མགྱོགས་སུ་འགྲོ་བཞིན་ཡོད།
         ཐོན་ལས་ཀྱི་གྲུབ་ཚུལ་ལེགས་སྒྲིག་ཤུགས་ཆེན་བྱས་ཡོད། ཞབས་ཞུའི་ལས་རིགས་འཕེལ་རྒྱས་གང་མྱུར་ཡོང་བར་བྱས་པ་དང་། སྒུལ་བདེའི་དྲ་སྦྲེལ་དང་། འདུས་གྲུབ་གློག་ལམ། སྒྲིག་ཆས་རྩེར་སོན་བཟོ་སྐྲུན། ནུས་ཁུངས་གསར་པའི་རླངས་འཁོར་སོགས་འཐབ་ཇུས་དང་ལྡན་པའི་གསར་དར་ཐོན་ལས་འཕེལ་རྒྱས་གཏོང་བར་རོགས་སྐྱོར་བྱས་པ་དང་། དྲ་སྦྲེལ་དངུལ་རྩའི་སྟོབས་ཤུགས་གསར་པ་གློ་བུར་དུ་ཐོན་པ། གློག་རྡུལ་ཚོང་དོན་དང་། དངོས་ཟོག་མྱུར་སྐྱེལ་སོགས་ཀྱི་ལས་རྣམ་གསར་པ་དར་རྒྱས་མགྱོགས་པོ་བྱུང་ཞིང་། “ལས་སྒོ་གསར་གཏོད་མཁན་”འབུར་དུ་ཐོན་པ་དང་། རིག་གནས་བློ་གསར་ཐོན་ལས་དཔྱིད་དཔལ་བཞད་པ་བཞིན་འཕེལ་ཡོད། དུས་མཚུངས་ཐོན་ནུས་ལྷགས་ཐལ་ཆེ་རིགས་མུ་མཐུད་ཐག་གཅོད་བྱས་ནས་ངར་ལྕགས་དང་ཨར་འདམ་སོགས་ཀྱི་གཙོ་གནད་ལས་རིགས་ཁག་15ཙམ་གྱི་ཐོན་ནུས་རྗེས་ལུས་འདོར་བའི་ལོ་འཁོར་གྱི་ལས་འགན་དུས་ཐོག་ཏུ་འགྲུབ་ཐུབ་པ་བྱས་ཡོད། སྨུག་རྡུལ་བཅོས་སྐྱོང་བྱེད་ཤུགས་ཆེ་རུ་བཏང་བ་དང་། རྟགས་སེར་བཀོད་པའི་རླངས་འཁོར་དང་རླངས་འཁོར་རྙིང་གྲས་འདོར་བའི་དམིགས་ཚད་ཚད་བརྒལ་ཐོག་ནས་ལེགས་འགྲུབ་བྱུང་ཡོད།རྨང་གཞིའི་སྒྲིག་བཀོད་འཛུགས་སྐྲུན་དང་ས་ཁོངས་མཐུན་སྦྱོར་འཕེལ་རྒྱས་ཡོང་བར་བྱས་ཡོད། པེ་ཅིན་ཐེན་ཅིན་ཧོ་པེ་གསུམ་མཐུན་སྦྱོར་ངང་འཕེལ་རྒྱས་གཏོང་བ་དང་། འབྲི་ཆུའི་དཔལ་འབྱོར་ཁུལ་འཛུགས་སྐྲུན་བྱེད་པར་གྲུབ་འབྲས་གལ་ཆེན་ཐོབ་ཡོད། ལྕགས་ལམ་གསར་དུ་བསྐྲུན་ནས་སྤྱོད་འགོ་ཚུགས་པའི་ལམ་ཐག་སྤྱི་ལེ་8427ཟིན་པ་དང་། མྱུར་བགྲོད་ལྕགས་ལམ་ལས་གཉེར་བྱེད་པའི་ལམ་ཚད་སྤྱི་ལེ་ཁྲི་1.6ཟིན་པས། འཛམ་གླིང་གི་བརྒྱ་ཆ་60ཡན་ཟིན་ཡོད། མྱུར་བགྲོད་གཞུང་ལམ་རླངས་འཁོར་ཤར་བགྲོད་ཐུབ་ཚད་སྤྱི་ལེ་ཁྲི་11.2ཟིན་ཡོད། ཆུ་ཐོག་འགྲུལ་ལམ་དང་། དམངས་སྐྱོད་མཁའ་འགྲུལ། སྦུབས་ལམ་བཅས་འཛུགས་སྐྲུན་བྱེད་ཤུགས་སྔར་ལས་ཇེ་ཆེར་བཏང་ཡོད། ཞིང་ལས་ཀྱི་དྲ་བ་བསྒྱུར་བཀོད་བརྟན་པོའི་ངང་ནས་བྱས་པ་དང་། གཤོང་ཆེའི་དྲ་རྒྱ་སྤྱོད་མཁན་ཐེམ་པ་དུང་ཕྱུར་7.8ཟིན་ཡོད། ལོ་མང་རིང་འབད་བརྩོན་བྱས་པར་བརྟེན་ལྷོ་ཆུ་བྱང་འདྲེན་གྱི་དབུས་རྒྱུད་ལས་དུས་དང་པོའི་ལས་གྲྭར་ཆུ་དངོས་སུ་འདྲེན་འགོ་ཚུགས་པས་ཆུ་འདྲེན་ལམ་རྒྱུད་ཀྱི་མང་ཚོགས་དུང་ཕྱུར་འགའ་ཤས་ལ་ཁེ་ཕན་བྱུང་ཡོད།
     གསར་གཏོད་ལ་བརྟེན་ནས་འཕེལ་རྒྱས་ལ་སྐུལ་འདེད་གཏོང་རྒྱུའི་འཐབ་ཇུས་དོན་འཁྱོལ་བྱས་ཡོད། ཚན་རྩལ་གྱི་གྲུབ་འབྲས་དངོས་སྒྱུར་བྱེད་པའི་ཐབས་ལམ་འབྱེད་གང་ཐུབ་བྱས་ནས་ཀྲུང་ཀོན་ཚུན་དུ་རྒྱལ་ཁབ་ཀྱི་རང་བརྟེན་གསར་གཏོད་དཔེ་སྟོན་ཁུལ་ཚོད་ལྟ་བྱེད་གནས་ཀྱི་སྲིད་ཇུས་ལག་བསྟར་བྱེད་ཁོངས་རྒྱ་སྐྱེད་དང་། ཚན་རྩལ་གྱི་ཐོན་ཁུངས་སྒོ་འབྱེད་མཉམ་སྤྱོད་བཅས་ལ་སྐུལ་སྤེལ་བཏང་སྟེ་ཚན་རྩལ་པའི་གསར་གཏོད་ཀྱི་གསོན་ཤུགས་རྒྱུན་མ་ཆད་པར་འདོན་ཐབས་བྱས་ཡོད། རིམ་འདས་རྩིས་རྒྱག་དང་། ཟླ་དཔྱད་ལས་གཞི། འཁོར་སྐར་དངོས་སྤྱོད་སོགས་ཀྱི་ཚན་རིག་ཞིབ་འཇུག་གི་རྣམ་གྲངས་གལ་ཆེན་བར་བརྒལ་བསྐྱར་མ་བྱུང་ཞིང་། རང་རྒྱལ་གྱིས་རང་བརྟེན་ཞིབ་བཟོ་བྱས་པའི་ཟུར་ལམ་འགྲུལ་སྐྱེལ་གནམ་གྲུ་ཨ་སྔོན་གནམ་ལ་འཕུར་ཐུབ་ཡོད།
     འདས་པའི་ལོ་གཅིག་རིང་དམངས་འཚོ་འགན་སྲུང་གི་དྲ་བ་དམ་པོར་བསླས་ཏེ། མི་དམངས་ཀྱི་བདེ་སྐྱིད་ཆེ་རུ་བཏང་ཡོད་པ།
     རྒྱལ་སྲིད་སྤྱི་ཁྱབ་ཁང་གི་ཙུང་ལི་ལི་ཁེ་ཆང་གིས་ཚེས་5ཉིན་སྲིད་གཞུང་གི་ལས་དོན་སྙན་སྒྲོན་གནང་སྐབས་གསུངས་དོན། དམངས་འཚོ་འགན་སྲུང་གི་དྲ་བ་དམ་པོར་བསླས་ཏེ་མི་དམངས་ཀྱི་བདེ་སྐྱིད་ཆེ་རུ་བཏང་ཡོད། ང་ཚོས་མི་རྩ་བར་འཛིན་རྒྱུ་མཐའ་འཁྱོངས་བྱས་ཏེ་དམངས་འཚོའི་འཇོག་བྱ་བསྟུད་མར་སྤར་བ་དང་། གཞི་རྩ་འགན་སྲུང་དང་། གཞི་ཐིག་འཛིན་པ། ལམ་སྲོལ་འཛུགས་པ་བཅས་བྱས་པ་དང་། ནོར་སྲིད་ཀྱི་ཡོང་སྒོ་འཕར་དར་ཆེ་རུ་ཕྱིན་པ་དང་། གཏོང་སྒོའི་སེམས་ངལ་ཆེ་རུ་ཕྱིན་ཡོད་ཀྱང་དམངས་འཚོར་སྤྱོད་པའི་བསྡུར་ཚད་བརྒྱ་ཆ་70ཡན་ཟིན་ཡོད།
     ལས་ཞུགས་དང་སྤྱི་ཚོགས་འགན་སྲུང་བྱེད་ཤུགས་ཆེ་རུ་བཏང་བ་དང་། ལས་ཞུགས་སྐུལ་སྤེལ་གྱི་སྲིད་ཇུས་འཐུས་སྒོ་ཚང་དུ་བཏང་ཡོད། ལས་སྒོ་གསར་འབྱེད་ཀྱི་སྣེ་འདྲེན་འཆར་གཞི་བཏོན་པ་བཅས་བྱས་པས་མཐོ་རིམ་སློབ་ཐོན་སློབ་མ་ལས་ཀར་ཞུགས་ཚུལ་བརྟན་པོའི་ངང་ནས་འཕར་ཡོད། གྲོང་ཁྱེར་དང་གྲོང་གསེབ་ཀྱི་གྲོང་མིའི་གཞི་རྩའི་རྒན་གསོའི་འགན་བཅོལ་ལམ་ལུགས་གཅིག་གྱུར་བྱས་པ་དང་། ཁེ་ལས་ཀྱི་རྒན་ཡོལ་ཞུ་མཁན་གྱི་གཞི་རྩའི་རྒན་གསོའི་དངུལ་གྲངས་ཡང་བསྐྱར་བརྒྱ་ཆ་10སྤར་ཡོད། འགན་སྲུང་རང་བཞིན་གྱི་བདེ་སྡོད་ལས་གཞིའི་ཁང་པ་ཆ་འགྲིག་ཁྲི་740ལས་འགོ་གསར་དུ་བཙུགས་པ་དང་། ཁང་པ་ཆ་འགྲིག་ཁྲི་511གཞི་རྩའི་ཆ་ནས་བསྐྲུན་ཡོད། གནས་སྐབས་ཀྱི་རོགས་སྐྱོབ་ལམ་ལུགས་ཁྱོན་ཡོངས་ནས་བཙུགས་པ་དང་། གྲོང་ཁྱེར་དང་གྲོང་གསེབ་ཀྱི་མ་མཐའི་འཚོ་རྟེན་འགན་སྲུང་ཚད་གཞི་སོ་སོར་བརྒྱ་ཆ་9.97དང་བརྒྱ་ཆ་14.1མཐོ་རུ་བཏང་བ། དམག་མི་རྨས་མ་དང་། སྔོན་གཤེགས་དཔའ་བོའི་ཁྱིམ་མི། དམག་ལོག་རྙིང་པ་སོགས་གཟིགས་སྐྱོང་བྱ་ཡུལ་ལ་གཟིགས་སྐྱོང་དང་འཚོ་བའི་ཁ་གསབ་བྱེད་ཚད་བརྒྱ་ཆ་20ཡན་མཐོ་རུ་བཏང་ཡོད།སློབ་གསོ་དྲང་སྙོམས་ཡོང་བར་མུ་མཐུད་སྐུལ་སྤེལ་བཏང་ཡོད། དབུལ་ཕོངས་ས་ཁུལ་གྱི་འོས་འགན་སློབ་གསོ་ཞན་པའི་སློབ་གྲྭ་འཛུགས་སྐྱོང་བྱེད་ཤུགས་ཆེ་རུ་བཏང་བ་དང་། ཁྱིམ་ཚང་གི་དཔལ་འབྱོར་དཀའ་ངལ་ཡོད་པའི་སློབ་མར་རོགས་དངུལ་སྤྲོད་ཚད་མཐོ་རུ་བཏང་བ། རྒྱལ་ཁབ་ཀྱིས་སློབ་རོགས་དངུལ་བུན་གྱི་རོགས་དངུལ་སྤྲོད་པའི་ཚད་གཞི་ཇེ་ཆེར་སྤར་བ་བཅས་བྱས་ཡོད། འབྲིང་རིམ་ལས་རིགས་སློབ་གྲྭར་སློབ་ཡོན་མི་ལེན་པར་ཁ་གསབ་བྱེད་པའི་སྲིད་ཇུས་ལོ་གསུམ་རིང་དུ་བཏང་ཡོད། འོས་འགན་སློབ་གསོ་ཡིག་རྒྱུགས་མི་གཏོང་བར་ཉེ་ཁུལ་གྱི་སློབ་གྲྭར་འཇུག་པའི་སྲིད་ཇུས་ལག་ལེན་བསྟར་བ་དང་། ཞིང་ཆེན་28ལ་ཞིང་པ་ལས་མི་དང་འགྲོགས་ནས་ཡོང་བའི་བུ་ཕྲུག་འབྱོར་ཡུལ་རང་དུ་མཐོ་རིམ་སློབ་ཞུགས་རྒྱུགས་ལེན་དུ་ཞུགས་ཐུབ་པ་བྱུང་ཡོད། དབུལ་ཕོངས་ས་ཁུལ་གྱི་གྲོང་གསེབ་སློབ་མ་མཐོ་རིམ་སློབ་གྲྭ་གཙོ་གནད་དུ་ཞུགས་པའི་མི་གྲངས་ལོ་གཉིས་བསྟུད་མར་བརྒྱ་ཆ་10ཡན་འཕར་ཡོད། འབད་བརྩོན་བྱས་པ་བརྒྱུད། ལོ་ཧྲིལ་པོར་ནོར་སྲིད་ཀྱི་རང་བཞིན་ལྡན་པའི་སློབ་གསོའི་གྲོན་དངུལ་གཏོང་སྒོས་རྒྱལ་ནང་ཐོན་སྐྱེད་རིན་ཐང་བསྡོམས་འབོར་གྱི་བསྡུར་ཚད་ཟིན་གྲངས་བརྒྱ་ཆ་4ལས་བརྒལ་ཡོད།
     སྨན་བཅོས་འཕྲོད་བསྟེན་བསྒྱུར་བཅོས་འཕེལ་རྒྱས་གཏིང་ཟབ་ཏུ་སྤེལ་ཡོད། གྲོང་ཁྱེར་དང་གྲོང་གསེབ་ཀྱི་གྲོང་མིའི་ནད་ཆེན་འགན་བཅོལ་ཚོད་ལྟ་བྱེད་ཁོངས་ཞིང་ཆེན་ཡོད་ཚད་ལ་མཆེད་པར་བྱས་པ་དང་། ནད་རིགས་འཕྲལ་མར་བཅོས་པའི་རོགས་སྐྱོབ་ལམ་ལུགས་གཞི་རྩའི་ཆ་ནས་བཙུགས་པ། དམངས་ཡོངས་སུ་སྨན་བཅོས་འགན་བཅོལ་མཆེད་ཁྱོན་བརྒྱ་ཆ་95ལས་བརྒལ་ཡོད། གཞི་རིམ་གྱི་སྨན་བཅོས་འཕྲོད་བསྟེན་སྒྲིག་གཞི་ཕྱོགས་བསྡུས་ཀྱིས་བསྒྱུར་བཅོས་ཟབ་སྤེལ་བྱས་པ་དང་། རྫོང་དང་ཤང་གྲོང་གསུམ་གྱི་ཞབས་ཞུའི་དྲ་སྦྲེལ་རིམ་བཞིན་འཐུས་སྒོ་ཚང་དུ་བཏང་ཡོད། གཞུང་བཙུགས་སྨན་ཁང་སྒྱུར་བཅོས་ཚོད་ལྟ་བྱེད་གནས་རྫོང་དང་གྲོང་ཁྱེར་1300ལྷག་ཙམ་ཟིན་ཡོད།
     རིག་གནས་བྱ་གཞག་དང་རིག་གནས་ཐོན་ལས་འཕེལ་རྒྱས་ཧུར་ཐག་བཏང་ཡོད། རིག་གནས་དམངས་ཕན་གྱི་རྣམ་གྲངས་གལ་ཆེན་སྐྲུན་པར་སྐུལ་སྤེལ་བཏང་བ་དང་། རླུང་འཕྲིན་དང་བརྙན་འཕྲིན་“གྲོང་ཚོ་ཡོངས་ལ་ཤར་གཏོང་”གི་ལས་གཞི“ཁྱིམ་དུད་ཀུན་ལ”ཁྱབ་པའི་རིམ་པ་སྤར་ཡོད། རིག་རྩལ་སྤུས་དག་གི་འཐབ་ཇུས་ལག་བསྟར་བྱས་པ་དང་། དེང་རབས་ཀྱི་རིག་གནས་ཚོང་རའི་མ་ལག་འཐུས་སྒོ་ཚང་དུ་བཏང་ཡོད། མང་ཚོགས་གཟུགས་གཞི་བདེ་ཐང་ཡོང་བའི་ལས་འགུལ་དཔྱིད་དཔལ་བཞད་པ་ལྟར་འཕེལ་རྒྱས་བཏང་བ་དང་། ནན་ཅིན་དུ་གཞོན་ནུའི་ཨོ་རྩལ་འགྲན་ཚོགས་གཉེར་བ་ལམ་ལྷོངས་བྱུང་ཡོད།
     འདས་པའི་ལོ་གཅིག་རིང་སྤྱི་ཚོགས་བཅོས་སྐྱོང་གསར་དུ་གཏོད་པས་ཞི་མཐུན་དང་བརྟན་ལྷིང་ལ་སྐུལ་མ་ཐེབས་ཡོད་པ།
     རྒྱལ་སྲིད་སྤྱི་ཁྱབ་ཁང་གི་ཙུང་ལི་ལི་ཁེ་ཆང་གིས་ཚེས་5ཉིན་སྲིད་གཞུང་གི་ལས་དོན་སྙན་སྒྲོན་གནང་སྐབས་གསུངས་དོན། ལོ་གཅིག་རིང་སྤྱི་ཚོགས་བཅོས་སྐྱོང་གསར་དུ་གཏོད་པས་ཞི་མཐུན་དང་བརྟན་ལྷིང་ལ་སྐུལ་མ་ཐེབས་ཡོད། རང་བྱུང་གི་གནོད་འཚེ་དང་གློ་བུར་གྱི་དོན་རྐྱེན་བྱུང་བར་ང་ཚོས་ཁ་གཏད་འཚམ་པོར་བཅལ་བ་དང་། སྤྱི་ཚོགས་ཀྱི་འགལ་བ་གོ་རིམ་ལྡན་པའི་ངང་སེལ་བ། ལམ་སྲོལ་བཙུགས་པ་དང་འཐུས་སྒོ་ཚང་དུ་བཏང་ཞིང་། འབྱུང་རྩ་ནས་སྔོན་འགོག་བྱེད་ཤུགས་ཆེ་རུ་བཏང་ནས་མི་དམངས་ཀྱི་ཚེ་སྲོག་བདེ་འཇགས་འགན་སྲུང་བྱས་པ་དང་། སྤྱི་ཚོགས་ཀྱི་སྒྲིག་ལམ་བཟང་པོ་སྲུང་སྐྱོང་བྱས་ཡོད།
     ན་ནིང་ཡུན་ནན་གྱི་ལུའུ་ཏན་དང་ཅིང་ཀུའུ་སོགས་ཀྱི་ས་ཁུལ་དུ་ས་ཡོམ་ཆེ་ཙམ་བྱུང་སྐབས། ང་ཚོས་དུས་ཐོག་ཏུ་ས་ཡོམ་གྱི་གནོད་སེལ་ཕན་འབྲས་ཐོན་པར་བྱས་ཏེ་གནོན་འཚེ་བྱུང་རྗེས་ཀྱི་སླར་གསོ་བསྐྱར་སྐྲུན་བདེ་བླག་ངང་སྤེལ་ཡོད། གླིང་ཆེན་ཨ་ཧྥེ་རི་ཀར་ཨེ་པོ་ལཱ་རིམས་ནད་བྱུང་བར་འགོག་བཅོས་རོགས་རམ་ཧུར་ཐག་བྱས་པ་དང་། རིམས་ནད་འབྱུང་གཞི་སྔོན་འགོག་ཚོད་འཛིན་ཕན་འབྲས་ཐོན་པར་བྱས་ཡོད། ཐོན་སྐྱེད་བདེ་འཇགས་ཀྱི་ལས་དོན་སྒྲུབ་ཤུགས་ཆེ་རུ་བཏང་བས་ཆག་སྒོ་བྱུང་གྲངས་བསྡོམས་འབོར་དང་། ཆག་སྒོ་ཆེན་པོ་དང་ཆེས་ཆེན་པོ། ལས་རིགས་གཙོ་གནད་ཀྱི་ཆག་སྒོ་བཅས་བསྟུད་མར་ཆག་ཡོད། གསོལ་ཚིགས་ཀྱི་སྦགས་བཙོག་བཅོས་སྐྱོང་གང་ཐུབ་བྱས་པ་དང་། ཟས་རིགས་དང་སྨན་རྫས་བདེ་འཇགས་ཀྱི་གནས་བབ་སྤྱིའི་ཆ་ནས་བརྟན་པོ་བྱུང་ཡོད།
     ང་ཚོས་ཁྲིམས་མཐུན་ལྟར་སྲིད་འཛིན་པར་སྐུལ་སྤེལ་ཤུགས་ཆེན་བཏང་བ་དང་། རྒྱལ་སྲིད་སྤྱི་ཁྱབ་ཁང་གིས་རྒྱལ་ཡོངས་མི་དམངས་འཐུས་ཚོགས་རྒྱུན་ལས་ཨུ་ལྷན་ལ་ཟས་རིགས་བདེ་འཇགས་སྐོར་གྱི་བཅའ་ཁྲིམས་སོགས་ཀྱི་བཅའ་ཁྲིམས་ཁག་15གཏན་འབེབས་དང་བཟོ་བཅོས་རྒྱག་རེ་དང་། ཁེ་ལས་ཀྱི་ཆ་འཕྲིན་ཡོངས་བསྒྲགས་ཀྱི་སྐབས་འཕྲལ་སྲོལ་ཡིག་སོགས་ཀྱི་སྲིད་འཛིན་ཁྲིམས་སྲོལ་ཁག་38གཏན་འབེབས་དང་དག་བཅོས་གནང་རེ་ཞུས་པ་རེད། སྲིད་དོན་ཡོངས་བསྒྲགས་ལ་སྐུལ་སྤེལ་གཏིང་ཟབ་བཏང་ནས་སྲིད་གཞུང་གི་ཇུས་གཅོད་དང་སྲིད་ཇུས་གལ་ཆེན་ལ་རྣམ་པ་སྣ་མང་གི་ཐོག་ནས་སྤྱི་ཚོགས་ཐོག་བསམ་འཆར་བསྡུ་ལེན་བྱས་ཡོད། རྒྱལ་ཡོངས་ཀྱི་དཔལ་འབྱོར་ཡོངས་ཁྱབ་ཞིབ་བཤེར་ཐེངས་གསུམ་པ་ལེགས་འགྲུབ་བྱུང་བ་དང་། ཡིག་བསྐུར་ངོ་བཅར་གྱི་ལས་དོན་ལམ་ལུགས་བསྒྱུར་བཅོས་བྱས་ཡོད། བཅའ་ཁྲིམས་ཀྱི་རོགས་སྐྱོར་བྱེད་ཁོངས་ནི་མ་མཐའི་འཚོ་རྟེན་མང་ཚོགས་ནས་ཡོང་སྒོ་དམའ་བའི་མང་ཚོགས་བར་དུ་རྒྱ་སྐྱེད་བཏང་ཡོད། གྲོང་ཁྱེར་དང་གྲོང་གསེབ་ཀྱི་སྡེ་ཁུལ་ལེགས་སྐྱོང་བྱེད་ཤུགས་ཆེ་རུ་བཏང་བ་དང་། ལས་རིགས་ཀྱི་མཐུན་ཚོགས་དང་ཚོང་ཚོགས་སོགས་སྤྱི་ཚོགས་ཀྱི་རྩ་འཛུགས་རིགས་བཞི་ཐད་ཀར་ཐོ་འགོད་ཐུབ་པ་བྱུང་ཡོད། ཉེས་གསོག་གི་བྱེད་སྒོ་སྤེལ་རིགས་ཁག་ལ་རྡུང་རྡེག་ནན་པོར་བཏང་བ་དང་། སྤྱི་ཚོགས་ཀྱི་བདེ་དོན་ཕྱོགས་བསྡུས་ཀྱིས་བཅོས་སྐྱོང་བྱེད་ཤུགས་ཆེ་རུ་བཏང་བ། རྒྱལ་ཁབ་ཀྱི་བདེ་འཇགས་དང་། སྤྱི་པའི་བདེ་འཇགས་སྲུང་སྐྱོང་བཅས་བྱས་ཡོད།
     ང་ཚོས་ཏང་ཀྲུང་དབྱང་གི་གཏན་འབེབས་དོན་ཚན་བརྒྱད་ཀྱི་དགོངས་དོན་དོན་འཁྱོལ་ནན་པོར་བྱས་པ་དང་། “སྤྱོད་ཚུལ་བཞི”ཡོ་བསྲང་རྒྱུན་འཁྱོངས་ལྷོད་མེད་བྱས་ཡོད། རྒྱལ་སྲིད་སྤྱི་ཁྱབ་ཁང་གི“བསྲུང་བྱ་རྣམ་གསུམ”ལག་བསྟར་ནན་པོར་བྱས་པ་དང་། སྲིད་གཞུང་གི་ངོ་བོ་ལྡན་པའི་རྒྱས་སྤྲོས་ཁང་བཟང་གི་རིགས་དང་། ལས་ཁུངས་དང་བྱ་ལས་སྡེ་ཚན་གྱི་མི་སྣའི་སྒྲིག་ཁོངས། “གཞུང་གྲོན་གསུམ་”ཚོད་འཛིན་བཅས་ཕན་འབྲས་ཐོན་པར་བྱས་ཡོད། སྲིད་འཛིན་ལྟ་ཞིབ་དང་རྩིས་བཤེར་ལྟ་སྐུལ་བྱེད་ཤུགས་ཆེ་རུ་བཏང་བ་དང་། ཏང་སྲོལ་ཡོ་བསྲང་དང་སྲིད་དོན་གཙང་སྐྱོང་དང་རུལ་སུངས་ལ་རྒོལ་བའི་འཐབ་རྩོད་ལ་སྐུལ་སྤེལ་བཏང་བ། ཁྲིམས་འགལ་ལུགས་དཀྲུག་གི་གྱོད་དོན་ཞིབ་བཤེར་ཐག་གཅོད་ནན་པོ། ཉེས་ཆད་གཅོད་དགོས་ངེས་ཀྱི་རུལ་སུངས་པ་ཁག་ཅིག་ལ་ཉེས་ཆད་བཅད་པ་བཅས་བྱས་ཡོད། ང་ཚོས་སྲིད་ཇུས་དང་བྱེད་ཐབས་གལ་ཆེན་དོན་འཁྱོལ་དམ་འཛིན་བྱས་ཏེ་ལྟ་བཤེར་ནན་ཏན་དང་། ཕུང་གསུམ་པ་དཔྱད་དཔོག་དང་སྤྱི་ཚོགས་ཀྱི་གདེང་འཇོག་གནང་བར་གདན་ཞུ། ཡུན་ཕན་ལམ་སྲོལ་འཛུགས་པ་བཅས་བྱས་ཏེ་ལས་དོན་ཁག་ལ་སྐུལ་སྤེལ་ནུས་ལྡན་བཏང་ཡོད།