ཟླ་ཚེས་19ཉིན་གྱི་སྔ་དྲོར་སྤྱི་ཁྱབ་ཧྲུའུ་ཅི་ཞིས་ཅིན་ཕིང་གིས་མི་དམངས་དྲ་བའི་འཁྲབ་གཏོང་ཁང་དུ་ཧྥུའུ་ཅན་ཞིང་ཆེན་ཉིང་ཏེ་ཁྲི་ཞི་གྲོང་ཚོ་རུ་བཅར་འདྲི་བྱེད་བཞིན་པའི་གསར་འགོད་པ་དང་འཕྲིན་ལམ་འབྲེལ་མཐུད་བྱས་པ་མ་ཟད་གྲོང་ཚོའི་ནང་གི་ལས་བྱེད་པ་དང་མང་ཚོགས་དང་འཕྲིན་ལམ་ཐོག་ནས་སྤེལ་རེས་གནང་བ་རེད། ཁྲི་ཞི་གྲོང་ཚོར“ཀྲུང་གོའི་དབུལ་སྐྱོར་གྱི་གྲོང་ཚོ་དང་པོ”ཞེས་པའི་མཚན་སྙན་ཡོད་པ་དང་། ཞིས་ཅིན་ཕིང་གིས་ཉིང་ཏེ་ས་ཁུལ་དུ་ཏང་ཨུའི་ཧྲུའུ་ཅིའི་འགན་བཞེས་སྐབས་སུ་ས་ཁུལ་དེ་གའི་དབུལ་སྐྱོར་ལས་དོན་ལ་ཚད་མཐོའི་མཐོང་ཆེན་གནང་བ་རེད། ན་ནིང་གི་ཟླ་བ་1པོར་ས་གནས་དེ་གའི་དབུལ་སྒྲོལ་ལས་དོན་ལ་མཆན་བཀོད་མཛུབ་སྟོན་གལ་ཆེན་གནང་བ་རེད། དེ་རིང་སྤྱི་ཁྱབ་ཧྲུའུ་ཅིས་བརྙན་རིས་བརྒྱུད་ནས་གྲོང་མི་ཚོ་དང་འཕྲིན་ལམ་ཐོག་ནས་གླེང་མོལ་གནང་སྟེ་ཁོང་ཚོའི་དབུལ་སྒྲོལ་ཕྱུག་འགྱུར་བྱས་པར་ཁེས་ལེན་གནང་བ་དང་ཡུལ་མི་སྤུན་ཟླ་ཚོའི་འཚོ་བ་ཉིན་རེ་ལས་ཉིན་རེར་ལེགས་སུ་འགྲོ་བར་སྨོན་འདུན་ཞུས་གནང་བ་རེད།