མི་དམངས་དྲ་བའི་འཕྲིན། ཟླ་9ཚེས་3ཉིན། རྒྱལ་ཁབ་ཀྱི་ཀྲུའུ་ཞི་ཞིས་ཅིན་ཕིང་2016ལོའི་རྒྱལ་ཁབ་ཉི་ཤུ་ཚོགས་པའི་བཟོ་ཚོང་འགོ་གཙོའི་ཚོགས་འདུ་འགོ་ཚུགས་པའི་མཛད་སྒོར་ཞུགས་གནང་བ་དང་འབྲེལ་ཁ་བྱང་ལ་《ཀྲུང་གོའི་འཕེལ་རྒྱས་གཏོང་འགོ་འཛུགས་ས་གསར་པ། གོ་ལ་ཧྲིལ་པོ་འཕེལ་རྒྱས་གཏོང་རྒྱུའི་འཆར་གཞི་གསར་པ་》ཞེས་པའི་རྡོག་ཚིག་གསུང་བཤད་གནང་ནས་ཀྲུང་གོའི་ཕྱོགས་ཀྱིས་ཕྱོགས་སོ་སོ་དང་མཉམ་དུ་གསར་གཏོད་དང་། སྒོ་འབྱེད། མཉམ་འགུལ། ཁོང་ཡངས་རང་བཞིན་བཅས་ཀྱི་འཛམ་གླིང་དཔལ་འབྱོར་འཛུགས་སྐྲུན་བྱས་ཏེ་འཛམ་གླིང་དཔལ་འབྱོར་འཕེལ་ཤུགས་ཆེ་བ་དང་། རྒྱུན་མཐུད། དོ་མཉམ། ཁོང་ཡངས་བཅས་ཀྱི་སྒོ་ནས་འཕར་སྣོན་འགྲོ་བའི་ལམ་དུ་སྐྱོད་པར་སྐུལ་འདེད་གཏོང་རྒྱུའི་རེ་བ་བྱེད་ཀྱི་ཡོད་ཅེས་ནན་བཤད་གནང་བ་རེད།