༄༅།།ལི་ཁེ་ཆང་ཝེ་ལིང་ཐོན་གྲོང་ཁྱེར་དུ་ཕེབས་འབྱོར་གནང་སྟེ་ནེའུ་ཙི་ལན་ལ་དངོས་སུ་འཚམས་
འདྲི་གནང་འགོ་ཚུགས་པ།

         མི་དམངས་དྲ་བའི་འཕྲིན། ས་གནས་དེ་གའི་དུས་ཚོད་ཟླ་3ཚེས་26ཉིན་གྱི་ཕྱི་དྲོར། ནེའུ་ཙི་ལན་རྒྱལ་ཁབ་ཀྱི་ཙུང་ལི་པིར་•དབྱིན་ཀེ་ལི་ཞི་ཡིས་གདན་ཞུ་གནང་བ་ལྟར་རྒྱལ་སྲིད་སྤྱི་ཁྱབ་ཁང་གི་ཙུང་ལི་ལི་ཁེ་ཆང་ཆེད་གཏོང་གནམ་གྲུ་ལ་བཞུགས་ཏེ་ཝེ་ལིང་ཐོན་རྒྱལ་སྤྱིའི་གནམ་གྲུ་ཐང་དུ་ཕེབས་འབྱོར་གནང་ནས་ནེའུ་ཙི་ལན་རྒྱལ་ཁབ་ལ་དངོས་སུ་འཚམས་འདྲི་གནང་འགོ་ཚུགས་པ་རེད། ཙུང་ལི་ལི་ཁེ་ཆང་གི་སྐུ་ཟླ་ཁྲེན་ཧུང་ཡང་མཉམ་དུ་ཕེབས་འབྱོར་གནང་ཡོད་པ་རེད།