༄༅།།ཞི་ཅིན་ཕིང་ནང་སོག་འཐུས་མི་ཚོགས་པའི་གྲོས་ཞིབ་ལ་ཞུགས་གནང་བ།

         མི་དམངས་དྲ་བའི་འཕྲིན། ཟླ་3ཚེས་5ཉིན་གྱི་ཕྱི་དྲོར། སྤྱི་ཁྱབ་ཧྲུའུ་ཅི་ཞི་ཅིན་ཕིང་ཁོང་ཉིད་ཡོད་པའི་རྒྱལ་ཡོངས་མི་དམངས་འཐུས་ཚོགས་སྐབས་བཅུ་གསུམ་པའི་གྲོས་ཚོགས་ཐེངས་དང་པོའི་ནང་སོག་འཐུས་མི་ཚོགས་པའི་གྲོས་ཞིབ་ཏུ་ཞུགས་གནང་བ་རེད། ཁོང་གིས་ང་རང་ནང་སོག་རང་སྐྱོང་ལྗོངས་ཀྱི་འདེམས་བསྐོ་ལ་ཞུགས་རྒྱུ་བདམས་པ་ནི་ཏང་ཀྲུང་དབྱང་གིས་མི་རིགས་མཐའ་མཚམས་ས་ཁུལ་ལ་མཐོང་ཆེན་བྱས་ཚུལ་མཚོན་པ་དང་། ཏང་ཀྲུང་དབྱང་གིས་འཕེལ་རྒྱས་ཞན་པའི་ས་ཁུལ་གྱི་འཕེལ་རྒྱས་ལ་སྐུལ་སྤེལ་ཇེ་་མགྱོགས་གཏོང་བ་དང་དབུལ་སྒྲོལ་འགག་སྒྲོལ་དམག་འཐབ་ལ་རྒྱལ་ཁ་ལེན་པའི་ཆོད་སེམས་མཚོན་ཡོད་ཅེས་གསུངས་པ་རེད།