མི་དམངས་དྲ་བ།>>ཀྲུང་གོའི་གུང་ཁྲན་ཏང་གི་གསར་འགྱུར།

༄༅།།ཞི་ཅིན་ཕིང་གིས་སེར་པི་ཡའི་ཙུང་ཐུང་ཝུའུ་ཆེ་ཆི་དང་མཇལ་འཛོམས་གནང་བ། 

གསར་འགྱུར་སྤེལ་དུས།  【2018ལོའི་ཟླ་ 09ཚེས་20ཉིན། 14:18】   (རྩོམ་སྒྲིག་འགན་འཁུར་པ། བསྟན་འཛིན།)

༄༅།།ཞི་ཅིན་ཕིང་གིས་སེར་པི་ཡའི་ཙུང་ཐུང་ཝུའུ་ཆེ་ཆི་དང་མཇལ་འཛོམས་གནང་བ།

           མི་དམངས་དྲ་བའི་འཕྲིན། ཟླ་9ཚེས་18ཉིན་མི་དམངས་ཚོགས་ཁང་ཆེ་མོར་རྒྱལ་ཁབ་ཀྱི་ཀྲུའུ་ཞི་ཞི་ཅིན་ཕིང་གིས་ཀྲུང་གོའི་དབྱར་དུས་ཀྱི་ཏ་ཝོ་སི་གླེང་སྟེགས་ལ་ཞུགས་པར་ཕེབས་པའི་སེར་པི་ཡའི་ཙུང་ཐུང་ཝུའུ་ཆེ་ཆི་དང་མཇལ་འཛོམས་གནང་བ་རེད།
                 ཞི་ཅིན་ཕིང་གིས་ཀྲུང་གོ་དང་སེར་པི་ཡ་རྒྱལ་ཁབ་གཉིས་པོའི་སྲོལ་རྒྱུན་མཛའ་གྲོགས་ཀྱི་རྨང་གཞི་བརྟན་པ་དང་ཕན་ཚུན་དབར་ཆབ་སྲིད་ཐད་ཡིད་ཆེས་ཆེན་པོ་བྱས་པས་དངོས་སྒྲུབ་མཉམ་ལས་ལ་གྲུབ་འབྲས་གཡུར་དུ་ཟ་བ་ཐོབ་ཡོད། ང་དང་ཙུང་ཐུང་སྐུ་ཞབས་མཆོག་དབར་བྱུང་བའི་ཀྲུང་གོ་དང་སེར་པི་ཡའི་མཉམ་ལས་ཀྱི་ཐུན་མོང་ངོས་འཛིན་གལ་ཆེན་ད་ལྟ་དོན་འཁྱོལ་བྱེད་བཞིན་ཡོད་པ་དང་ཀྲུང་གོ་དང་སེར་པི་ཡའི་འབྲེལ་བ་གོང་འཕེལ་ཐད་སྒུལ་ཤུགས་ཆེན་པོ་བསྣན་ཡོད་པར་དགའ་ཚོར་ཆེན་པོ་བྱུང་། ཀྲུང་གོ་ཕྱོགས་ཀྱིས་སེར་པི་ཡ་ཕྱོགས་དང་མཉམ་དུ་ཕན་ཚུན་གྱི་ལྟེ་བའི་ཁེ་ཕན་དང་དོ་ཁུར་ཆེན་པོ་བྱེད་པའི་གནད་དོན་ལ་མུ་མཐུད་བློ་བརྟན་འགྱུར་མེད་ཀྱི་སྒོ་ནས་རྒྱབ་སྐྱོར་བྱས་ཏེ་ཕྱོགས་མང་རིང་ལུགས་དང་རྒྱལ་སྤྱིའི་དྲང་བདེན་ལ་ཐུན་མོང་ཐོག་སྲུང་སྐྱོང་བྱེད་འདོད་ཡོད། ཀྲུང་གོའི་ཧོ་པེ་ངར་ལྕགས་ཚོགས་པ་དང་སེར་པི་ཡའི་སི་མེ་ཏའེ་ལུའེ་ཨའོ་ངར་ལྕགས་བཟོ་གྲྭའི་དབར་གྱི་མཉམ་ལས་འཁོར་སྐྱོད་བྱ་ཚུལ་ཡག་པོ་ཡོད་པ་དང་འདི་ཉིད་སེར་པི་ཡའི་ཕྱིར་གཏོང་ཁེ་ལས་ཆེ་གྲས་ཨང་གཉིས་པར་གྱུར་པ་ཤེས་སྐབས་ང་དགའ་ཚོར་ཆེན་པོ་བྱུང་ཞེས་གསུངས་པ་རེད།