༄༅།།ཝང་དབྱང་གིས་ཀྲུང་དབྱང་སྐུ་ཚབ་ཚོགས་པའི་སྣེ་ཁྲིད་གནང་སྟེ་དབྱིན་ཁྲོན་དུ་འབྱོར་ནས་ཉིང་ཞ་
ཧུའེ་རིགས་རང་སྐྱོང་ལྗོངས་དབུ་བརྙེས་ནས་ལོ་ངོ་60འཁོར་བའི་རྟེན་འབྲེལ་མཛད་སྒོར་ཞུགས་པ།

          མི་དམངས་དྲ་བའི་འཕྲིན། ཟླ་9ཚེས་19ཉིན། ཀྲུང་གུང་ཀྲུང་དབྱང་ཆབ་སྲིད་ཅུས་ཀྱི་རྒྱུན་ཨུ་དང་རྒྱལ་ཡོངས་སྲིད་གྲོས་ཀྱི་ཀྲུའུ་ཞི་ཝང་དབྱང་གིས་ཚོགས་གཙོ་གནང་བའི་ཀྲུང་དབྱང་སྐུ་ཚབ་ཚོགས་པ་དབྱིན་ཁྲོན་དུ་འབྱོར་ནས། ཉིང་ཞ་ཧུའེ་རིགས་རང་སྐྱོང་ལྗོངས་དབུ་བརྙེས་ནས་ལོ་ངོ་60འཁོར་བའི་རྟེན་འབྲེལ་མཛད་སྒོར་ཞུགས་གནང་བ་དང་། ཉིང་ཞ་མི་རིགས་ཁག་གི་མང་ཚོགས་ཀྱིས་གནམ་ཐང་དུ་ཀྲུང་དབྱང་སྐུ་ཚབ་ཚོགས་པར་བསུ་བ་ཆེན་པོ་བྱས་ཡོད།