༄༅།།ཞི་ཅིན་ཕིང་གིས་ཧིན་རྡུ་ཉི་ཞི་ཡའི་སེང་གེ་མཁའ་འགྲུལ་གྱི་འགྲུལ་སྐྱེལ་གནམ་གྲུར་ཆག་སྒོ་བྱུང་བར་ཧིན་རྡུ་ཉི་
ཞི་ཡའི་ཙུང་ཐུང་ཙུའོ་ཁོ་ལ་འཚམས་འདྲིའི་གློག་འཕྲིན་སྤྲིངས་པ། 

     ཤིན་ཧྭ་གསར་འགྱུར་ཁང་པེ་ཅིང་ནས་ཟླ་10ཚེས་30ཉིན་གློག་འཕྲིན་འབྱོར་གསལ། ཟླ་10ཚེས་30ཉིན་རྒྱལ་ཁབ་ཀྱི་ཀྲུའུ་ཞི་ཞི་ཅིན་ཕིང་གིས་ཧིན་རྡུ་ཉི་ཞི་ཡའི་འགྲུལ་སྐྱེལ་གནམ་གྲུར་ཆག་སྒོ་བྱུང་བར་ཧིན་རྡུ་ཉི་ཞི་ཡའི་ཙུང་ཐུང་ཙུའོ་ཁོ་ལ་འཚམས་འདྲིའི་གློག་འཕྲིན་སྤྲིངས་པ་རེད།
     ཞི་ཅིན་ཕིང་གིས་འཚམས་འདྲིའི་གློག་འཕྲིན་ནང་ཧིན་རྡུ་ཉི་ཞི་ཡའི་སེང་གེ་མཁའ་འགྲུལ་ཀུང་སིའི་མི་189ཡོད་པའི་འགྲུལ་སྐྱེལ་གནམ་གྲུ་ཞིག་སྟབས་མི་ལེགས་པར་ལྷུངས་བར་ང་སེམས་སྡུག་ཆེན་པོ་བྱུང་། ངས་ཀྲུང་གོ་སྲིད་གཞུང་དང་ཀྲུང་གོ་མི་དམངས་ཀྱི་ཚབ་ཞུ་བ་དང་དེ་བཞིན་ང་རང་མི་སྒེར་གྱི་མིང་ཐོག་ནས་རྐྱེན་ལམ་ལ་ཤོར་མཁན་ཚོར་མྱ་ངན་ཞུ་རྒྱུ་ཡིན་ལ་ཁོང་ཚོའི་ནང་མིར་ལྷག་བསམ་ཟོལ་མེད་ཀྱི་འཚམས་འདྲིའང་ཞུ་རྒྱུ་ཡིན་ཞེས་གསུངས་པ་རེད།