མི་དམངས་དྲ་བ།>>ཀྲུང་གོའི་གུང་ཁྲན་ཏང་གི་གསར་འགྱུར།

༄༅།།ཀྲུང་དབྱང་དམག་ཨུད་ཀྱི་ཀྲུའུ་ཞི་ཞི་ཅིན་ཕིང་གིས་བཀའ་རྒྱར་མཚན་རྟགས་བཀོད་གནང་བ།

གསར་འགྱུར་སྤེལ་དུས།  【2021ལོའི་ཟླ་ 01ཚེས་04ཉིན། 10:13】   (རྩོམ་སྒྲིག་འགན་འཁུར་པ། མཁའ་འགྲོ།)

   གསར་དུ་བཟོ་བཅོས་བརྒྱབ་པའི《དམག་དཔུང་གི་ གོ་མཚོན་སྲོལ་ཡིག》ཡོངས་བསྒྲགས་བྱས་པ།
   ཤིན་ཧྭ་གསར་འགྱུར་ཁང་པེ་ཅིང་ནས་ཟླ་1ཚེས་2ཉིན་གློག་འཕྲིན་འབྱོར་གསལ། ཉིན་ཤས་གོང་ཀྲུང་དབྱང་དམག་ཨུད་ཀྱི་ཀྲུའུ་ཞི་ཞི་ཅིན་ཕིང་གིས་བཀའ་རྒྱར་མཚན་རྟགས་བཀོད་གནང་ནས་གསར་དུ་བཟོ་བཅོས་བརྒྱབ་པའི《དམག་དཔུང་གི་གོ་མཚོན་སྲོལ་ཡིག》ཡོངས་བསྒྲགས་བྱས་པ་དང་2021ལོའི་ཟླ་1ཚེས་1ཉིན་ནས་ལག་བསྟར་བྱས་པ་རེད།
   《སྲོལ་ཡིག》ནང་ཞི་ཅིན་ཕིང་གི་དུས་རབས་གསར་པའི་ཀྲུང་གོའི་ཁྱད་ཆོས་ལྡན་པའི་སྤྱི་ཚོགས་རིང་ལུགས་ཀྱི་དགོངས་པ་མཛུབ་ཁྲིད་དུ་བྱ་རྒྱུ་མཐའ་འཁྱོངས་ཀྱིས་ཞི་ཅིན་ཕིང་གི་དམག་དཔུང་སྟོབས་ཆེའི་དགོངས་པ་དང་དུས་རབས་གསར་པའི་དམག་དོན་འཐབ་ཇུས་ཀྱི་མཛད་ཕྱོགས་ལག་བསྟར་གཏིང་ཟབ་བྱེད་པ་དང་། དུས་རབས་གསར་པའི་དམག་དཔུང་གིས་ལས་འགན་ནུས་ལྡན་ངང་བསྒྲུབ་རྒྱུར་དམིགས་པ། ཕྱོགས་ཡོངས་ནས་དམག་གྲབས་དམག་རྒྱག་ལ་དམ་བཟུང་བྱེད་པ། གོ་མཚོན་ལས་དོན་གྱི་ཁྱད་ཆོས་དང་ཆོས་ཉིད་ཁོང་དུ་གཏིང་ཟབ་ཆུད་པ་བྱེད་པ། དུས་བབ་གསར་པ་དང་སྒྲིག་སྲོལ་གསར་པའི་འོག་གི་གོ་མཚོན་ལས་དོན་གྱི་གཞི་རྩའི་ལས་འགན་དང་། གཞི་རྩའི་ནང་དོན། གཞི་རྩའི་དོ་དམ་ལམ་ལུགས་བཅས་ཚན་རིག་དང་མཐུན་པའི་ངང་ཚད་ལྡན་བཟོ་བ་བཅས་བྱེད་རྒྱུ་ནི་དམག་དཔུང་གི་གོ་མཚོན་ལས་དོན་གྱི་གཞི་རྩའི་ཁྲིམས་སྲོལ་རེད།
   《སྲོལ་ཡིག》ལ་ཁྱོན་ལེའུ་14དང་དོན་ཚན་100ཡོད་ཅིང་། “དམག་ཨུད་ཀྱིས་སྤྱི་ཁྱབ་དོ་དམ་དང་། དམག་ཁུལ་གྱིས་དམག་འཐབ་གཙོ་བོ་རྒྱག་པ། དམག་རིགས་གཙོ་གནད་ཐོག་འཛུགས་སྐྱོང་བྱེད་པ”བཅས་ཀྱི་སྤྱིའི་རྩ་དོན་ལ་གཞིགས་ནས་སྒྲིག་སྲོལ་གསར་པ་དང་སྒྲིག་ཁོངས་གསར་པའི་འོག་གི་རིམ་ཁག་གོ་མཚོན་སྡེ་ཚན་གྱི་འགན་ནུས་ངེས་གནས་དང་། འགན་འཁྲིའི་ཁྱབ་ཁོངས། ལས་དོན་གྱི་འབྲེལ་བ་བཅས་ཚད་ལྡན་བཟོས་པ་དང་། དམག་འཐབ་ནུས་པ་གཞི་རྩའི་ཚད་གཞི་འབའ་ཞིག་ཏུ་བརྩི་རྒྱུ་མཐའ་འཁྱོངས་ཀྱིས་དངོས་འཐབ་ཅན་གྱི་བླང་བྱ་མཚོན་པ་དང་། “དམག་འཐབ”དང“འཛུགས་སྐྱོང”ཟུང་འབྲེལ་དང་སྦྲེལ་མཐུད་ཀྱི་ལས་ཀའི་ལམ་སྲོལ་ཁ་གསལ་བཟོས་པ། དགོས་མཁོར་བརྟེན་ནས་འཆར་འགོད་ལ་སྣེ་ཁྲིད་དང་འཆར་འགོད་ཀྱིས་ཐོན་ཁུངས་བཀོད་སྒྲིག་གཙོ་ཁྲིད་བྱེད་པའི་བླང་བྱ་དོན་འཁྱོལ་བྱེད་པར་དམིགས་ནས་གོ་མཚོན་ཁྱབ་ཁོངས་ཀྱི་དགོས་མཁོ་དང་། འཆར་འགོད། སྔོན་རྩིས། ལག་བསྟར། དཔྱད་དཔོག་བཅས་ཀྱི་འཐབ་ཇུས་དོ་དམ་སྦྲེལ་ལམ་འཐུས་སྒོ་ཚང་དུ་བཏང་བ། གོ་མཚོན་འཛུགས་སྐྱོང་དེང་རབས་ཅན་དོ་དམ་གྱི་ནུས་པ་ཆེ་རུ་གཏོང་རྒྱུར་དམིགས་ནས་གོ་མཚོན་མ་ལག་ཡོངས་དང་། བེད་སྤྱོད་གཏོང་ཡུན། ལྷུ་ཚིགས་ཁག་དང་རྒྱུ་རྐྱེན་ཁག་བཅས་ཀྱི་དོ་དམ་བརྒྱུད་རིམ་ལེགས་སུ་བཏང་བ། གོ་མཚོན་འཛུགས་སྐྱོང་ལ་ཚད་བཀག་བཟོས་པའི་འགལ་ཟླའི་གནད་དོན་སེལ་རྒྱུར་གཞི་ཚུགས་ནས་བབ་བསྟུན་ནུས་ཆེ་དང་། འགྲན་རྩོད་སྒོ་དབྱེ། གསར་གཏོད་ལ་སྐུལ་ལྕག ཚད་ལྡན་དང་བརྒྱུད་རིམ་ལྡན་པ་བཅས་ཀྱི་ལས་དོན་ལམ་ལུགས་བཙུགས་པ་བཅས་རེད།

  
style="display:none;"