༄༅།།ལི་ཁེ་ཆང་དང་ཨུ་རུ་སུའི་ཙུང་ལི་མའེ་ཏེ་ཝའེ་ཅེ་ཧྥུའུ་གཉིས་ཀྱིས་མཉམ་དུ་ཀྲུང་ཨུའི་
ཙུང་ལིའི་དུས་གཏན་གྲོས་མོལ་ཐེངས་༡༩པར་གཙོ་སྐྱོང་གནང་བ།

    ས་གནས་དེ་གའི་དུས་ཚོད་ཟླ་༡༠ཚེས་༡༣ཉིན་གྱི་ཕྱི་དྲོར། རྒྱལ་སྲིད་སྤྱི་ཁྱབ་ཁང་གི་ཙུང་ལི་ལི་ཁེ་ཆང་དང་ཨུ་རུ་སུའི་ཙུང་ལི་མའེ་ཏེ་ཝའེ་ཅེ་ཧྥུའུ་གཉིས་ཀྱིས་མའོ་སི་ཁོ་གྲོང་ཁྱེར་དུ་མཉམ་དུ་ཀྲུང་ཨུའི་ཙུང་ལིའི་དུས་གཏན་གྲོས་མོལ་ཐེངས་༡༩པར་གཙོ་སྐྱོང་གནང་བ་རེད།
    ལི་ཁེ་ཆང་གིས་གསུངས་དོན། ཀྲུང་གོ་དང་ཨུ་རུ་སུ་གཉིས་ནི་ཁྱིམ་མཚེས་རྒྱལ་ཁབ་དང་རོགས་ཟླ་གལ་ཆེན་ཡིན་པ་མ་ཟད། གསར་དར་ཁྲོམ་རའི་རྒྱལ་ཁབ་གཙོ་བོའང་ཡིན་པས་རྒྱལ་ཁབ་གཉིས་བར་གྱི་མཉམ་ལས་ཀྱིས་འཛམ་གླིང་ཞི་བདེ་དང་འཕེལ་རྒྱས་ལ་དགེ་མཚན་ལྡན་པའི་ནུས་པ་འདོན་ཐུབ། རྒྱལ་ཁབ་གཉིས་ཀྱི་དབུ་གཙོ་ད་ལོར་མཇལ་འཕྲད་ཐེངས་མང་གནང་བ་དང་། ཀྲུང་ཨུའི་ཙུང་ལིའི་དུས་གཏན་གྲོས་མོལ་ཐེངས་༡༩བྱས་པ་དེས་ཀྲུང་ཨུའི་འབྲེལ་བའི་འཐབ་ཇུས་རང་བཞིན་དང་། གཏན་འཇགས་རང་བཞིན། ཡུན་རིང་རང་བཞིན་བཅས་མཚོན་ཐུབ།