༄༅།།ཞི་ཅིན་ཕིང་གིས་པེ་ཅིང་དགུན་དུས་ཨོ་རྩལ་ལ་རྟོག་ཞིབ་གནང་། 

   མི་དམངས་དྲ་བའི་འཕྲིན། ཟླ་1ཚེས་4ཉིན་སྤྱི་ཁྱབ་ཧྲུའུ་ཅི་ཞི་ཅིན་ཕིང་སྔ་རྗེས་སུ་རྒྱལ་ཁབ་ཀྱི་མགྱོགས་ཤུད་ཁང་དང་། པེ་ཅིང་དགུན་དུས་ཨོ་རྩལ་འགྲན་ཚོགས་དང་དགུན་དུས་དབང་སྐྱོན་ཨའོ་རྩལ་འགྲན་ཚོགས་ཀྱི་སྨྱན་སྦྱོར་གཙོ་བོའི་ལྟེ་གནས། པེ་ཅིང་དགུན་དུས་ཨོ་རྩལ་གྲོང་ཚོ（དགུན་དུས་དབང་སྐྱོན་ཨའོ་རྩལ་འགྲན་ཚོགས།） པེ་ཅིང་དགུན་དུས་ཨའོ་རྩལ་འགྲན་ཚོགས་བཀོད་འདོམས་པུའི་བཀོད་གཏོང་ལྟེ་གནས། གཉིས་བདུན་བཟོ་གྲྭའི་གངས་འཁྱགས་རྣམ་གྲངས་སྦྱོང་བརྡར་རྟེན་གཞི་བཅས་ལ་ཕེབས་ནས། པེ་ཅིང་གི་2022ལོའི་དགུན་དུས་ཨོ་རྩལ་འགྲན་ཚོགས་དང་། དགུན་དུས་དབང་སྐྱོན་ཨའོ་རྩལ་འགྲན་ཚོགས་ཀྱི་གྲ་སྒྲིག་འགྲན་བསྡུར་གྱི་གནས་ཚུལ་ལ་ཡུལ་དངོས་ནས་ཤེས་རྟོགས་ཡོང་བར་གནང་ཞིང་། ལུས་རྩལ་པ་དང་། རྩལ་ཁྲིད་པ། འཁོར་སྐྱོད་དོ་དམ་མི་སྣ། ཞབས་ཞུ་འགན་སྲུང་མི་སྣ། ཚན་ཞིབ་མི་སྣ། སྨྱན་སྦྱོར་གྱི་གསར་འགོད་པ། དང་བླངས་པ་སོགས་ལ་འཚམས་འདྲི་ཞུས་པ་དང་ཚང་མར་ལོ་གསར་གྱི་སྨོན་འདུན་ཞུས་པ་རེད།