༄༅།།ཞི་ཅིན་ཕིང་ཨུ་ཟ་བྷེ་ཁི་སི་ཐན་སྤྱི་མཐུན་རྒྱལ་ཁབ་ལ་རྒྱལ་དོན་འཚམས་འདྲིར་ཕེབས་འདུག 

     མི་དམངས་དྲ་བའི་འཕྲིན། ས་གནས་དེ་གའི་དུས་ཚོད་ཟླ་9ཚེས་14ཉིན་གྱི་དགོང་མོར། རྒྱལ་ཁབ་ཀྱི་ཀྲུའུ་ཞི་ཞི་ཅིན་ཕིང་ཆེད་སྤྱོད་གནམ་གྲུར་བསྡད་དེ་ས་མའར་ཧན་དུ་འབྱོར་ནས། ཨུ་ཟ་བྷེ་ཁི་སི་ཐན་སྤྱི་མཐུན་རྒྱལ་ཁབ་ལ་རྒྱལ་དོན་གྱི་འཚམས་འདྲི་གནང་འགོ་བརྩམས་པ་མ་ཟད། ཧྲང་ཧའེ་མཉམ་ལས་རྩ་འཛུགས་ཀྱི་ཁོངས་མིའི་རྒྱལ་ཁབ་ཀྱི་གཙོ་བདག་ལས་འཛིན་ལྷན་ཚོགས་ཀྱི་ཚོགས་འདུ་ཐེངས་ཉེར་གཉིས་པར་ཞུགས། ཨུ་ཟ་བྷེ་ཁི་སི་ཐན་གྱི་ཙུང་ཐུང་སྨིའར་ཅི་གཡོད་ཡེ་ཧྥུའུ་དང་། སྲིད་གཞུང་གི་ཙུང་ལི་ཨ་ལི་པོ་ཧྥུའུ། ཕྱི་འབྲེལ་པུའུ་ཀྲང་ནོ་ལུའོ་ཧྥུའུ། ས་མའར་ཧན་མངའ་སྡེའི་འགོ་དཔོན་ཐུའུ་ཅི་མོ་ཧྥུའུ་སོགས་མཐོ་རིམ་དཔོན་རིགས་ཀྱིས་གནམ་གྲུ་ཐང་དུ་སྤྲོ་སེམས་འཁོལ་བའི་ངང་བསུ་བ་ཞུ་བའི་པར་རེད།