༄༅།།ཡུས་ཀྲེང་ཧྲེང་གིས་ལྷ་ས་ནས་བྱམས་པ་ཕུན་ཚོགས་དང་འཕགས་པ་ལྷ་དགེ་ལེགས་
རྣམ་རྒྱལ་སོགས་ལ་འཚམས་འདྲི་གཟིགས་མོ་གནང་བ།

          མི་དམངས་དྲ་བའི་འཕྲིན། ཟླ་9ཚེས་6ཉིན་གྱི་ཕྱི་དྲོར་ཏང་ཀྲུང་དབྱང་དང་སྤྱི་ཁྱབ་ཧྲུའུ་ཅི་ཞིས་ཅིན་ཕིང་གི་མངགས་བཅོལ་ལྟར་ཀྲུང་དབྱང་སྐུ་ཚབ་ཚོགས་པའི་ཚོགས་གཙོ་དང་། ཀྲུང་གུང་ཀྲུང་དབྱང་ཆབ་སྲིད་ཅུས་ཀྱི་རྒྱུན་ཨུ། རྒྱལ་ཡོངས་སྲིད་གྲོས་ཀྱི་ཀྲུའུ་ཞི་བཅས་ཡིན་པའི་ཡུས་ཀྲེང་ཧྲེང་གིས་ལྷ་ས་ནས་རྒྱལ་ཡོངས་མི་དམངས་འཐུས་ཚོགས་རྒྱུན་ཨུད་ཀྱི་ཨུ་ཡོན་ཀྲང་གཞོན་པ་བྱམས་པ་ཕུན་ཚོགས་དང་། རྒྱལ་ཡོངས་སྲིད་གྲོས་ཀྱི་ཀྲུའུ་ཞི་གཞོན་པ་འཕགས་པ་ལྷ་དགེ་ལེགས་རྣམ་རྒྱལ། རྒྱལ་ཡོངས་མི་དམངས་འཐུས་ཚོགས་སྐབས་བཅུ་པའི་རྒྱུན་ཨུད་ཀྱི་ཨུ་ཡོན་ཀྲང་གཞོན་པ་རག་སྡིས་བཅས་དང་། རང་སྐྱོང་ལྗོངས་ཀྱི་གོ་གནས་རྒན་པ་བཞེས་མྱོང་ཡོད་པའི་ལས་བྲལ་ལས་འཁྱུར་ངལ་གསོ་རྒྱག་མཁན་བློ་མཐུན་རྒན་གྲས་ཁག་གཅིག་ལ་བྱམས་བརྩེའི་ངང་གཟིགས་པ་རེད།
         ཡུས་ཀྲེང་ཧྲེང་གིས་བོད་རིགས་འགོ་ཁྲིད་རྒན་གྲས་ཡིན་པའི་ཁོང་ཚོར་བོད་རིགས་མང་ཚོགས་ཁྲོད་སྙན་གྲགས་ཆེན་པོ་ཡོད་པ་དང་བོད་གསར་འཛུགས་སྐྲུན་ཆེད་ཁོང་ཚོས་ཐུགས་ནུས་ཆེན་པོ་བཏོན་པ་དང་སྒེར་སེམས་མེད་པའི་ལེགས་སྐྱེས་ཕུལ་གནང་བར་གདེང་འཇོག་གནང་ལེགས་གནང་བ་རེད།
         ཡུས་ཀྲེང་ཧྲེང་གིས“བོད་ཀྱི་སྒྱུར་བཅོས་དང་། འཕེལ་རྒྱས། བརྟན་ལྷིང་བཅས་དང་མི་དམངས་ཀྱི་འཚོ་བ་ལེགས་སུ་གཏོང་ཆེད་ཁྱེད་རྣམ་པས་འབད་བརྩོན་ལྷོད་མེད་གནང་སྟེ་བོད་ཀྱི་མི་དམངས་ཚོར་བྱ་བཟང་དང་བྱ་བ་དངོས་འབོར་ཆེན་བསྒྲུབས་པའི་ཁར་ཏང་དང་མི་དམངས་ཆེད་བྱས་རྗེས་ཆེན་པོ་བཞག་གནང་ཡོད”ཅེས་གསུངས་པ་རེད།
         བློ་མཐུན་རག་སྡིས་དང་རྒྱལ་མཚན་ནོར་བུ་སོགས་ཀྱིས་གཏམ་བཤད་གནང་སྟེ་ཏང་ཀྲུང་དབྱང་གི་ཐུགས་ཁུར་གནང་བར་ཐུགས་རྗེ་ཆེ་ཞུས་པ་མ་ཟད། ཏང་ཀྲུང་དབྱང་གི་ཡང་དག་པའི་འགོ་ཁྲིད་དང་རྒྱལ་ཡོངས་མི་དམངས་ཀྱི་ཤུགས་ཆེའི་རྒྱབ་སྐྱོར་འོག་བོད་ཀྱི་འབྱོར་འབྲིང་སྤྱི་ཚོགས་ཕྱོགས་ཡོངས་ནས་བསྐྲུན་རྒྱུའི་དམིགས་ཚད་དུས་བཀག་ལྟར་མངོན་འགྱུར་ཡོང་ངེས་རེད་ཅེས་གསུངས་པ་རེད།