མི་དམངས་དྲ་བའི་འཕྲིན། 2016ལོའི་ཟླ་1ཚེས་4ནས་6ཉིན་གྱི་བར། ཀྲུང་གུང་ཀྲུང་དབྱང་གི་སྤྱི་ཁྱབ་ཧྲུའུ་ཅིའམ་རྒྱལ་ཁབ་ཀྱི་ཀྲུའུ་ཞི། ཀྲུང་དབྱང་དམག་ཨུའི་ཀྲུའུ་ཞི་ཞིས་ཅིན་ཕིང་གིས་ཁྲུན་ཆིང་དུ་རྟོག་ཞིབ་གནང་། ཚེས་4ཉིན་གྱི་ཕྱི་དྲོར། ཞིས་ཅིན་ཕིང་གིས་ཁྲུན་ཆིང་གྲོང་ཁྱེར་གཙང་གཉིས་ཁུལ་གསར་གྱི་ཤིང་འབྲས་ལྡུམ་རའི་གྲུ་ཁ་རུ་རྟོག་ཞིབ་གནང་བར་ཕེབས་ནས། འབྲི་ཆུའི་སྟོད་རྒྱུད་ཀྱི་ཆུ་ཐོག་སྐྱེལ་འདྲེན་ལྟེ་གནས་ཀྱི་འཛུགས་སྐྲུན་དང་། ལྕགས་ལམ་དང་གཞུང་ལམ། ཆུ་ལམ་བཅས་ལམ་གསུམ་གཅིག་འབྲེལ་གྱི་ལས་གྲྭ་འཛུགས་སྐྲུན་ཐད་ཀྱི་གནས་ཚུལ་ལ་གསན་གཟིགས་མཛད་པ་མ་ཟད། མིག་སྔར་ལས་བྱ་སྒྲུབ་བཞིན་པའི་དོས་སྒམ་སྐྱེལ་འདྲེན་གྲུ་གཟིངས་ལ་རྟོག་ཞིབ་གནང་བ་རེད།