༄༅།།ཀྲུང་གོ་དང་ལྷོ་ཁོ་རེ་ཡ་རྒྱལ་ཁབ་གཉིས་ཀྱི་ཙུང་ལི་གཉིས་མཉམ་དུ་ཀྲུང་གོ་དང་ལྷོ་ཁོ་རེ་ཡའི་
ན་གཞོན་འགོ་ཁྲིད་པའི་གླེང་སྟེགས་སུ་ཞུགས་པ།

          མི་དམངས་དྲ་བའི་འཕྲིན། ཟླ་11ཚེས་2ཉིན་ཙུང་ལི་ལི་ཁེ་ཆང་དང་ལྷོ་ཁོ་རེ་ཡའི་རྒྱལ་དོན་ཙུང་ལི་ཧུང་ཅའོ་ཨན་གཉིས་ལྷན་དུ་ཧྲོའར་དུ་གཉེར་བའི་ཀྲུང་གོ་དང་ལྷོ་ཁོ་རེ་ཡའི་ན་གཞོན་འགོ་ཁྲིད་པའི་གླེང་སྟེགས་སུ་ཞུགས་པ་རེད། རྒྱལ་ཁབ་གཉིས་ཀྱི་ཙུང་ལིས་ན་གཞོནའཐུས་མིར་མཇལ་འཕྲད་གནང་སྐབས། ཙུང་ལི་ལི་ཁེ་ཆང་གིས་ཉིང་ཙེ་ཐའོ་དང་ཧན་ཀེན་སོགས་དང་མཛའ་བརྩེ་ལྡན་པའི་ངང་བཀའ་མོལ་གནང་བ་རེད། ཁོང་གིས་ཤིས་ཚིག་གསུང་དུས་ཀྲུང་གོས་མིག་སྔར་ནུས་ཤུགས་ཆེན་པོས་དམངས་ཀྱིས་བྱ་གཞག་སྐྲུན་པ་དང་ཀུན་གྱིས་གསར་གཏོད་བྱེད་པར་སྐུལ་སྤེལ་གཏོང་བཞིན་ཡོད་ལ། ལྷོ་ཁོ་རེ་ཡས་ཀྱང“གསར་གཏོད་ཅན་གྱི་དཔལ་འབྱོར”དར་སྤེལ་གཏོང་བཞིན་ཡོད་པས། རྒྱལ་ཁབ་གཉིས་ཀྱི་ན་གཞོན་ཚོས་སྟོབས་ཤུགས་གཅིག་སྒྲིལ་བྱས་ནས་བྱ་གཞག་སྐྲུན་པ་དང་གསར་གཏོད་བྱེད་པའི་ཕུགས་འདུན་གསར་པ་མངོན་འགྱུར་བྱེད་པའི་རེ་བ་བྱེད་ཀྱི་ཡོད་ཅེས་གསུངས་པ་རེད།