༄༅།།ཞི་ཅིན་ཕིང་གི་དུས་རབས་གསར་པའི་ཀྲུང་གོའི་ཁྱད་ཆོས་ལྡན་པའི་སྤྱི་ཚོགས་རིང་ལུགས་
ཀྱི་དགོངས་པར་བརྟེན་ནས་རྒྱང་སྐྱོད་གསར་པར་སྐྱོད་འགོ་ཚུགས་པ།

 ——གཞི་རིམ་དུ་དངོས་སྡོད་ཞིབ་འཇུག་བྱ་ཡུལ་དངོས་ནས་ཡོང་བའི་གནས་འཕྲིན། ཞི་ཅིན་ཕིང་གི་དུས་རབས་་གསར་པའི་ཀྲུང་གོའི་ཁྱད་ཆོས་ལྡན་པའི་སྤྱི་ཚོགས་རིང་ལུགས་ཀྱི་དགོངས་པ་ནི་མི་རིགས་བསྐྱར་དར་རླབས་པོ་ཆེ་མངོན་འགྱུར་བྱ་རྒྱུའི་བྱ་སྤྱོད་ཀྱི་ཕྱོགས་སྟོན་ཡིན་ཞིང་། དེས་ལས་རིགས་ཁག་གི་མི་རྣམས་ལ་དད་པའི་ཡིད་འགུགས་དང་། ཁ་ཕྱོགས་ཁྲིད་སྟོན། ཡར་རྒྱས་བརྩོན་ལེན་ཀྱི་སྟོབས་ཤུགས། རྒྱལ་ཁ་ལེན་པའི་གདེང་ཚོད་བཅས་ཚོར་སྣང་ཡོང་དུ་བཅུག་པ་རེད།