༄༅།།ཙུང་ལི་ལི་ཁེ་ཆང་གིས་ཧྥུའུ་ཅན་རང་མོས་ཉོ་འཚོང་ཁུལ་གྱི་ཞ་མོན་ས་ཁོངས་སུ་
གཟིགས་ཞིབ་གནང་བ།

མི་དམངས་དྲ་བའི་འཕྲིན། ཟླ་4ཚེས་22ཉིན་ལི་ཁེ་ཆང་སྒོ་བཀལ་ནས་ཉིན་གཅིག་ལས་འགོར་མེད་པའི་ཧྥུའུ་ཅན་ཞིང་ཆེན་རང་མོས་ཉོ་འཚོང་ཁུལ་ཞ་མོན་ས་ཁོངས་སུ་ཕེབས་ཏེ་ཞང་ཡུས་ཕྱོགས་བསྡུས་ཞབས་ཞུའི་ཚོམས་ཆེན་དུ་རང་མོས་ཉོ་འཚོང་ཁུལ་བསྒྱུར་བཅོས་ཀྱི་ཉམས་མྱོང་ཁྱབ་སྤེལ་དོན་འཁྱོལ་དང་ལས་ཁུངས་ཁུ་བསྡུ་དང་དབང་ཆ་གཤམ་སྤྲོད་སོགས་བྱས་ཚུལ་གཟིགས་ཞིབ་གནང་བ་རེད། ལོ་གཉིས་ཀྱི་གོང་ལ་ཧྲང་ཧའེ་རང་མོས་ཉོ་འཚོང་ཁུལ་འཛུགས་གཉེར་བྱེད་པར་སྐུལ་འདེད་ཤུགས་ཆེན་གནང་བ་ནས་རང་མོས་ཉོ་འཚོང་ཁུལ་ལ་“གྲུབ་འབྲས་ཆེན་པོ་གསུམ་”བསྐྱར་དུ་ཐོབ་པ། དེ་ནས་ ཐེངས་འདིར་ ཙུང་ལི་གཞི་རིམ་དུ་བརྟག་དཔྱད་ཞིབ་འཇུག་གནང་བར་ཕེབས་པའི་བར་ཙུང་ལི་ལི་ཁེ་ཆང་གིས་ཧྲང་ཧའེ་དང་། ཐེན་ཅིན། ཀོང་ཏུང་། ཧྥུའུ་ཅན་བཅས་རང་མོས་ཉོ་འཚོང་ཁུལ་བཞི་པོར་གཟིགས་ཞིབ་གནང་བ་རེད།