༄༅།།ལི་ཁེ་ཆང་གིས་གསར་སྤེལ་རང་བཞིན་གྱི་དངུལ་རྩས་འཕར་སྣོན་བརྟན་པོ་ཡོང་བ་དང་
གྲུབ་ཚུལ་ལེགས་སྒྲིག་བྱེད་པའི་ཐད་ཐོན་པའི་ནུས་པ་གལ་ཆེན་འདོན་
སྤེལ་བྱེད་དགོས་ཞེས་གསུངས་པ།

     མི་དམངས་དྲ་བའི་འཕྲིན། ཟླ་4ཚེས་17ཉིན་ལི་ཁེ་ཆང་གིས་རྒྱལ་ཁབ་གསར་སྤེལ་དངུལ་ཁང་དུ་གཟིགས་ཞིབ་གནང་སྐབས་རྒྱལ་ཁབ་གསར་སྤེལ་དངུལ་ཁང་གིས་སྤྱིལ་ཁྱིམ་ཁུལ་བསྒྱུར་བཀོད་དང་། དབུས་ནུབ་རྒྱུད་ཀྱི་ལྕགས་ལམ། ཆུ་བེད་བཟོ་སྐྲུན་གལ་ཆེན། ཆ་འཕྲིན་བཟོ་སྐྲུན་ལ་སོགས་པར་དངུལ་བུན་གཏོང་བའི་སྐྱེད་ཀ་དང་གྲངས་འབོར་འདྲི་རྩད་ཞིབ་ཕྲ་གནང་ཞིང་། ཙུང་ལི་ཡིས་གསར་སྤེལ་རང་བཞིན་གྱི་དངུལ་རྩས་རྒྱལ་ཁབ་ཀྱི་འཐབ་ཇུས་དང་གཙོ་གནད་ལས་གཞིར་རྒྱབ་སྐྱོར་བྱེད་ཤུགས་ཆེ་རུ་གཏོང་བ་དང་། དངུལ་བུན་གཏོང་བའི་མྱུར་ཚད་གང་མགྱོགས་བཏང་ནས་གསར་སྤེལ་རང་བཞིན་གྱི་དངུལ་རྩས་འཕར་སྣོན་བརྟན་པོ་ཡོང་བ་དང་གྲུབ་ཚུལ་ལེགས་སྒྲིག་བྱེད་པའི་ཐད་ཐོན་པའི་ནུས་པ་གལ་ཆེན་འདོན་སྤེལ་བྱེད་དགོས་ཞེས་གསུངས་པ་རེད།