དང་པོ། ཨེ་ཤེ་ཡ་དང་ཨ་ཧྥེ་རི་ཁའི་མཉམ་ལས་ཟབ་སྤེལ་བྱེད་དགོས། གོ་སྐབས་གསར་པ་དང་འགྲན་སློང་གསར་པའི་མདུན་དུ་ཨེ་ཤེ་ཡ་དང་ཨ་ཧྥེ་རི་ཁའི་རྒྱལ་ཁབ་ཁག་གིས་བདེ་སྡུག་མཉམ་མྱོང་དང་སྲུང་གཅེས་རོགས་རེས་བྱ་རྒྱུ་མཐའ་འཁྱོངས་བྱེད་པ་དང་། གོ་སྐབས་ཁོང་དུ་ཆུད་པ་དང་ཐུན་མོང་ཐོག་འགྲན་སློང་བསུ་བ། མུ་མཐུད་བདེ་སྡུག་མཉམ་མྱོང་དང་སྐྱིད་སྡུག་མཉམ་མྱོང་གི་གྲོགས་པོ་ཡག་པོ་དང་། རོགས་ཟླ་ཡག་པོ། སྤུན་ཟླ་ཡག་པོ་བཅས་བྱེད་དགོས།
གཉིས་པ། ལྷོ་ལྷོའི་མཉམ་ལས་རྒྱ་ཆེ་རུ་གཏོང་དགོས། འཕེལ་རྒྱས་འགྲོ་བཞིན་པའི་རྒྱ་ཆེའི་རྒྱལ་ཁབ་ཚང་མར་འཕེལ་རྒྱས་མགྱོགས་པོ་གཏོང་རྒྱུ་དང་དམངས་འཚོ་ལེགས་གཏོང་གི་ཐུན་མོང་གི་ལས་འགན་འཕྲད་ཡོད་པས་རོགས་རེས་མཐུན་སྒྲིལ་བྱས་ནས་མདུན་སྐྱོད་བྱེད་དགོས།
གསུམ་པ། ལྷོ་བྱང་མཉམ་ལས་ལ་སྐུལ་འདེད་གཏོང་དགོས། ཕན་ཚུན་བརྩི་འཇོག་དང་འདྲ་མཉམ་ལྟ་སྐྱོང་བྱ་རྒྱུ་མཐའ་འཁྱོངས་བྱེད་དགོས། དར་རྒྱས་ཆེ་བའི་རྒྱལ་ཁབ་ཀྱིས་གཞུང་ཕྱོགས་འཕེལ་རྒྱས་ཀྱི་རོགས་རེས་ཁས་ལེན་ལག་བསྟར་བྱ་རྒྱུར་སྐུལ་འདེད་གཏོང་དགོས་པ་དང་། ཆབ་སྲིད་ཀྱི་ཆ་རྐྱེན་གང་ཡང་མི་བསྣན་པའི་རྨང་གཞིའི་ཐོག་འཕེལ་རྒྱས་འགྲོ་བཞིན་པའི་རྒྱལ་ཁབ་ལ་རྒྱབ་སྐྱོར་བྱེད་ཤུགས་ཆེ་རུ་བཏང་ནས་དེ་བས་འདྲ་མཉམ་དང་དོ་སྙོམས་ཀྱི་གོ་ལ་ཧྲིལ་པོའི་འཕེལ་རྒྱས་ཀྱི་རོགས་ཟླའི་འབྲེལ་བ་གསར་པ་བཙུགས་ཏེ་ལྷོ་བྱང་གི་ཧེ་བག་ཇེ་ཆུང་དུ་གཏོང་དགོས་པ་བཅས་རེད།
