༄༅།།རྒྱལ་སྲིད་སྤྱི་ཁྱབ་ཁང་གི་ཙུང་ལི་གཞོན་པ་ལིའུ་ཧོའི་ལོ་རྒྱུས་མདོར་བསྡུས།

         ལིའུ་ཧོ། ཕོ། རྒྱ་རིགས། 1952ལོའི་ཟླ་དང་པོར་འཁྲུངས། ཧོ་པེ་ཁྲང་ལི་ནས་ཡིན་པ། 1969ལོའི་ཟླ་བཞི་པར་ལས་ཀར་ཞུགས། 1976ལོའི་ཟླ་བཅུ་གཉིས་པར་ཀྲུང་གོ་གུང་ཁྲན་ཏང་ནང་ཞུགས། ཀྲུང་གོ་མི་དམངས་སློབ་ཆེན་བཟོ་ལས་དཔལ་འབྱོར་ཚན་ཁག་བཟོ་ལས་དཔལ་འབྱོར་ཆེད་ལས་ནས་ཐོན། ཞིབ་འཇུག་སློབ་མའི་སློབ་རྒྱུས་ལྡན། དཔལ་འབྱོར་རིག་པ་དང་སྤྱི་པའི་དོ་དམ་གྱི་རབ་འབྱམས་པའི་སློབ་གནས་ལྡན། ཞིབ་འཇུག་པ་དང་དགེ་རྒན་ཆེ་མོ་བ་ཡིན་པ།
      ད་ལྟ་ཀྲུང་གུང་སྐབས་བཅུ་དགུ་པའི་ཀྲུང་དབྱང་ཆབ་སྲིད་ཅུས་ཀྱི་ཨུ་ཡོན་དང་། རྒྱལ་སྲིད་སྤྱི་ཁྱབ་ཁང་གི་ཙུང་ལི་གཞོན་པ་དང་ཏང་ཙུའི་ཁོངས་མི། ཀྲུང་དབྱང་ནོར་དཔལ་འགོ་ཁྲིད་ཚོགས་ཆུང་གཞུང་དོན་ཁང་གི་ཀྲུའུ་རེན་བཅས་ཀྱི་འགན་བཞེས་བཞིན་ཡོད།
     1969ལོ་ནས་1970ལོ་བར་ཅི་ལིན་ཞིང་ཆེན་ཐའོ་ནན་རྫོང་ཝ་ཧྥང་ཀུང་ཧྲེའི་རུ་ཞུགས་གཞོན་ནུ་ཤེས་ཡོན་ཅན་གནང་།
     1970ལོ་ནས་1973ལོ་བར་བཅིངས་འགྲོལ་དམག་དམག་སྡེ་སོ་བརྒྱད་པའི་ཧྲི་112མཁའ་འཕེན་མེ་སྒྱོགས་ཐོན་གྱི་ཡིང་ང་བདུན་པའི་ལེན་གཉིས་པའི་འཐབ་འཛིང་པ་དང་པན་ཀྲང་གཞོན་པ་གནང་།
     1973ལོ་ནས་1979ལོ་བར་པེ་ཅིང་སྐུད་མེད་གློག་བཟོ་གྲྭའི་བཟོ་པ་དང་། སྡེ་ཚོགས་ཨུ་ལྷན་གྱི་ཀན་ཧྲི། ཧྲུའུ་ཅི་བཅས་གནང་།
     1979ལོ་ནས་1983ལོ་བར་ཀྲུང་གོ་མི་དམངས་སློབ་ཆེན་ཡན་ལག་སློབ་གྲྭ་གཉིས་པའི་བཟོ་ལས་དཔལ་འབྱོར་ཚན་ཁག་གི་བཟོ་ལས་དཔལ་འབྱོར་དོ་དམ་ཆེད་ལས་སློབ་སྦྱོང་གནང་།
     1983ལོར་ཀྲུང་གོ་མི་དམངས་སློབ་ཆེན་བཟོ་ལས་དཔལ་འབྱོར་ཚན་ཁག་གི་དགེ་རྒན་གནང་།
     1983ལོ་ནས་1986ལོ་བར་ཀྲུང་གོ་མི་དམངས་སློབ་ཆེན་བཟོ་ལས་དཔལ་འབྱོར་ཚན་ཁག་གི་བཟོ་ལས་དཔལ་འབྱོར་ཆེད་ལས་རབ་འབྱམས་པའི་ཞིབ་འཇུག་སློབ་མ་གནང་།
     1986ལོ་ནས་1987ལོ་བར་རྒྱལ་སྲིད་སྤྱི་ཁྱབ་ཁང་འཕེལ་རྒྱས་ཞིབ་འཇུག་ལྟེ་གནས་ཀྱི་ལས་བྱེད་པ་གནང་།
     1987ལོ་ནས་1988ལོ་བར་རྒྱལ་ཁབ་འཆར་གཞི་ཨུ་ཡོན་ལྷན་ཁང་བཟོ་ལས་ཕྱོགས་བསྡུས་ཅུས་ཀྱི་ལས་བྱེད་པ་གནང་།
     1988ལོ་ནས་1991ལོ་བར་རྒྱལ་ཁབ་འཆར་གཞི་ཨུ་ཡོན་ལྷན་ཁང་ཐོན་ལས་སྲིད་ཇུས་སིའི་ཐོན་ལས་གྲུབ་ཆ་ཁྲུའི་ཁྲུའུ་ཀྲང་གཞོན་པ་དང་ཁྲུའུ་ཀྲང་གནང་།
     1991ལོ་ནས་1993ལོ་བར་རྒྱལ་ཁབ་འཆར་གཞི་ཨུ་ཡོན་ལྷན་ཁང་གི་ཡུན་རིང་འཆར་འགོད་དང་ཐོན་ལས་སྲིད་ཇུས་སིའི་ཐོན་ལས་གྲུབ་ཆ་ཁྲུའི་ཁྲུའུ་ཀྲང་གནང་། (དེའི་རིང་1992ལོ་ནས་1993ལོ་བར་ཨ་རིའི་ནུབ་ཤར་སློབ་ཆེན་བཟོ་ཚོང་སློབ་གླིང་དུ་སློབ་སྐོར་མཁས་དབང་གནང་།)
    1993ལོ་ནས་1994ལོ་བར་རྒྱལ་ཁབ་འཆར་གཞི་ཨུ་ཡོན་ལྷན་ཁང་སྲིད་ཇུས་ཞིབ་འཇུག་ཁང་གི་ཀྲུའུ་རེན་གཞོན་པ་གནང་།
    1994ལོ་ནས་1998ལོ་བར་རྒྱལ་ཁབ་འཆར་གཞི་ཨུ་ཡོན་ལྷན་ཁང་གི་ཡུན་རིང་འཆར་འགོད་དང་ཐོན་ལས་སྲིད་ཇུས་སིའི་སི་ཀྲང་གཞོན་པ་གནང་། (དེའི་རིང་1994ལོ་ནས་1995ལོ་བར་ཧ་ཧྥུའུ་སློབ་ཆེན་ཁེན་ནི་ཏིའི་སྲིད་གཞུང་དོ་དམ་སློབ་གླིང་གི་རྒྱལ་སྤྱིའི་དངུལ་རྩ་དང་ཉོ་ཚོང་ཆེད་ལས་སློབ་སྦྱོང་གནང་། སྤྱི་པའི་དོ་དམ་གྱི་རབ་འབྱམས་པའི་སློབ་གནས་ཐོབ།)
     1998ལོ་ནས་2001ལོ་བར་རྒྱལ་ཁབ་ཆ་འཕྲིན་ལྟེ་གནས་ཀྱི་རྒྱུན་ལས་ཀྲུའུ་རེན་གཞོན་པ་(ཅུས་རིམ་པ་རྒན་པ)དང་ཀྲུང་གོ་དཔལ་འབྱོར་ཆ་འཕྲིན་དྲ་རྒྱ་ཀུང་སིའི་ཏུང་ཧྲི་ཀྲང་གནང་།
     2001ལོ་ནས་2003ལོ་བར་རྒྱལ་སྲིད་སྤྱི་ཁྱབ་ཁང་ཆ་འཕྲིན་ཅན་ལས་དོན་གཞུང་དོན་ཁང་གི་ཀྲུའུ་རེན་གཞོན་པ་དང་། ཏང་ཙུའི་ཁོངས་མི། རྒྱལ་ཁབ་ཆ་འཕྲིན་ཅན་རིགས་གཅིག་མཁས་ཅན་བློ་འདྲི་ཨུ་ལྷན་གྱི་ཀྲུའུ་རེན་བཅས་གནང་།
    2003ལོ་ནས་2011ལོ་བར་ཀྲུང་དབྱང་ནོར་དཔལ་འགོ་ཁྲིད་ཚོགས་ཆུང་གཞུང་དོན་ཁང་གི་ཀྲུའུ་རེན་གཞོན་པ་གནང་།
    2011ལོ་ནས་2013ལོ་བར་རྒྱལ་སྲིད་སྤྱི་ཁྱབ་ཁང་འཕེལ་རྒྱས་ཞིབ་འཇུག་ལྟེ་གནས་ཀྱི་ཏང་ཙུའི་ཧྲུའུ་ཅི་དང་། ཀྲུའུ་རེན་གཞོན་པ། ཀྲུང་དབྱང་ནོར་དཔལ་འགོ་ཁྲིད་ཚོགས་ཆུང་གཞུང་དོན་ཁང་གི་ཀྲུའུ་རེན་གཞོན་པ་བཅས་གནང་།
    2013ལོ་ནས་2014ལོ་བར་ཀྲུང་དབྱང་ནོར་དཔལ་འགོ་ཁྲིད་ཚོགས་ཆུང་གཞུང་དོན་ཁང་གི་ཀྲུའུ་རེན་དང་། རྒྱལ་ཁབ་འཕེལ་སྒྱུར་ཨུ་ལྷན་གྱི་ཀྲུའུ་རེན་གཞོན་པ། ཏང་ཙུའི་ཁོངས་མི་བཅས་གནང་།
    2014ལོ་ནས་2017ལོ་བར་ཀྲུང་དབྱང་ནོར་དཔལ་འགོ་ཁྲིད་ཚོགས་ཆུང་གཞུང་དོན་ཁང་གི་ཀྲུའུ་རེན་དང་། རྒྱལ་ཁབ་འཕེལ་སྒྱུར་ཨུ་ལྷན་གྱི་ཀྲུའུ་རེན་གཞོན་པ། ཏང་ཙུའི་ཧྲུའུ་ཅི་གཞོན་པ་བཅས་གནང་།
     2017ལོ་ནས་2018ལོ་བར་ཀྲུང་དབྱང་ཆབ་སྲིད་ཅུས་ཀྱི་ཨུ་ཡོན་དང་། ཀྲུང་དབྱང་ནོར་དཔལ་འགོ་ཁྲིད་ཚོགས་ཆུང་གཞུང་དོན་ཁང་གི་ཀྲུའུ་རེན། རྒྱལ་ཁབ་འཕེལ་སྒྱུར་ཨུ་ལྷན་གྱི་ཀྲུའུ་རེན་གཞོན་པ། ཏང་ཙུའི་ཧྲུའུ་ཅི་གཞོན་པ་བཅས་གནང་།
     2018ལོ་ནས་ཀྲུང་དབྱང་ཆབ་སྲིད་ཅུས་ཀྱི་ཨུ་ཡོན་དང་། རྒྱལ་སྲིད་སྤྱི་ཁྱབ་ཁང་གི་ཙུང་ལི་གཞོན་པ་དང་ཏང་ཙུའི་ཁོངས་མི། ཀྲུང་དབྱང་ནོར་དཔལ་འགོ་ཁྲིད་ཚོགས་ཆུང་གཞུང་དོན་ཁང་གི་ཀྲུའུ་རེན། ཀྲུང་གུང་སྐབས་བཅོ་བརྒྱད་པ་དང་སྐབས་བཅུ་དགུ་པའི་ཀྲུང་དབྱང་ཨུ་ཡོན། སྐབས་བཅུ་དགུ་པའི་ཀྲུང་དབྱང་ཆབ་སྲིད་ཅུས་ཀྱི་ཨུ་ཡོན་བཅས་གནང་།