༄༅།།ལི་ཁེ་ཆང་ཝན་ཐེན་ལ་འབྱོར་ནས་ཨེ་ཤེ་ཡ་ཤར་མའི་མཉམ་ལས་འགོ་ཁྲིད་མི་སྣའི་ཚོགས་འདུ་
རབ་དང་རིམ་པར་ཞུགས་རྒྱུ་ཡིན་པ་མ་ཟད་ལོ་སི་རྒྱལ་ཁབ་ལ་དངོས་གཞིའི་
འཚམས་འདྲི་ཡང་གནང་རྒྱུ་ཡིན་པ།

         མི་དམངས་དྲ་བའི་འཕྲིན། ཟླ་9ཚེས་6ཉིན། ཨེ་ཤེ་ཡ་ཤར་ལྷོའི་མནའ་འབྲེལ་གྱི་འགན་འཁོར་ཀྲུའུ་ཞི་རྒྱལ་ཁབ་ལོ་སི་རྒྱལ་ཁབ་ཀྱི་ཙུང་ལི་ཐུང་ལུན་གྱི་གདན་ཞུས་ལྟར་རྒྱལ་སྲིད་སྤྱི་ཁྱབ་ཁང་གི་ཙུང་ལི་ལི་ཁེ་ཆང་ཆེད་སྤྱོད་གནམ་གྲུར་བཞུགས་ནས་ཝན་ཐེན་གྲོང་ཁྱེར་གྱི་ཝ་ཏའེ་གནམ་ཐང་དུ་འབྱོར་ནས་ཀྲུང་གོ་－ཨེ་ཤེ་ཡ་ཤར་ལྷོའི་མནའ་འབྲེལ་(10+1)འགོ་ཁྲིད་མི་སྣའི་ཚོགས་འདུ་སྐབས་བཅུ་དགུ་པ་དང་ཀྲུང་གོ་－ཨེ་ཤེ་ཡ་ཤར་ལྷོའི་མནའ་འབྲེལ་བར་གླེང་མོལ་གྱི་འབྲེལ་བ་བཙུགས་ནས་ལོ་25འཁོར་བར་དྲན་གསོ་ཞུ་བའི་དབུ་ཚོགས་དང་། ཨེ་ཤེ་ཡ་ཤར་ལྷོའི་མནའ་འབྲེལ་དང་ཀྲུང་གོ་དང་། རི་པིན། ཁོ་རེ་ཡ་ལྷོ་མ་གསུམ་བཅས་ཀྱི་(10+3)འགོ་ཁྲི་མི་སྣའི་ཚོགས་འདུ་ཐེངས་བཅུ་དགུ་པ། ཨེ་ཤེ་ཡ་ཤར་མའི་རྒྱལ་ཁབ་ཀྱི་དབུ་ཚོགས་སྐབས་བཅུ་གཅིག་པ་བཅས་ལ་ཞུགས་རྒྱུ་ཡིན་པ་མ་ཟད། ལོ་སི་རྒྱལ་ཁབ་ལ་དངོས་གཞིའི་འཚམས་འདྲི་ཡང་གནང་རྒྱུ་རེད། འདི་ནི་ལོ་སི་རྒྱལ་ཁབ་སྲིད་གཞུང་གི་མཐོ་རིམ་དཔོན་པོ་ཁ་ཤས་གནམ་ཐང་དུ་བསུ་བར་ཕེབས་པའི་གནས་ཚུལ་རེད།