༄༅།།སྤྱི་བདེ་པུའུ་ཡིས་ཡུལ་མིའི་ཐོབ་ཐང་ལག་ཁྱེར་གཞན་ས་ནས་བདག་སྤྲོད་བྱེད་རྒྱུ་དང་། བོར་
ཐོ་འགོད་རྒྱུ། རྙེད་བརྡ་གཏོང་རྒྱུ་བཅས་ཀྱི་ལམ་ལུགས་འཛུགས་
རྒྱུ་ཡིན་ཞེས་བརྗོད་པ།

མི་དམངས་དྲ་བའི་འཕྲིན། སྤྱི་བདེ་པུའུ་ཡི་དྲ་ཚིགས་ནས་སྤེལ་བའི་ཆ་འཕྲིན་ལྟར་ན། ཟླ་6ཚེས་8ཉིན་རྒྱལ་དོན་ཨུ་ཡོན་དང་། སྤྱི་བདེ་པུའི་པུའུ་ཀྲང་། སྤྱི་བདེ་པུའི་ཕྱོགས་ཡོངས་ནས་བསྒྱུར་བཅོས་ཟབ་སྤེལ་འགོ་ཁྲིད་ཚོགས་ཆུང་གི་ཚོགས་གཙོ་བཅས་ཡིན་པའི་ཀུའོ་ཧྲེང་ཁུན་གྱིས་པུའུ་རིམ་པའི་ཕྱོགས་ཡོངས་ནས་བསྒྱུར་བཅོས་ཟབ་སྤེལ་འགོ་ཁྲིད་ཚོགས་ཆུང་གི་རྒྱས་འཛོམས་གྲོས་ཚོགས་ཐེངས་བཅུ་པ་གཙོ་སྐྱོང་གནང་སྟེ་ཡུལ་མིའི་ཐོབ་ཐང་ལག་ཁྱེར་གཞན་སར་བདག་སྤྲོད་བྱེད་རྒྱུ་དང་། བོར་ཐོ་འགོད་རྒྱུ། རྙེད་བརྡ་གཏོང་རྒྱུ་བཅས་ཀྱི་ལམ་ལུགས་འཛུགས་རྒྱུའི་སྐོར་གྱི་བསམ་འཆར་ལ་ཞིབ་འཇུག་དང་གྲོས་ཞིབ་བྱས་པ་རེད། ཀུའོ་ཧྲེང་ཁུན་གྱིས་གནད་དོན་སྟོན་ཕྱོགས་སུ་འཛིན་པ་དང་། བསྒྱུར་བཅོས་སྒུལ་ཤུགས་སུ་འཛིན་པ། བཅའ་ཁྲིམས་གཞི་འཛིན་སར་འཛིན་པ། ཆ་འཕྲིན་ཅན་གྱིས་འདེབས་སྐྱོར་བྱེད་པ་བཅས་ཀྱི་སྒོ་ནས་ཡུལ་མིའི་ཐོབ་ཐང་ལག་ཁྱེར་གཞན་སར་བདག་སྤྲོད་བྱེད་རྒྱུ་དང་། བོར་ཐོ་འགོད་རྒྱུ། རྙེད་བརྡ་གཏོང་རྒྱུ་བཅས་ཀྱི་ལམ་ལུགས་བཙུགས་ནས་མང་ཚོགས་ཀྱིས་ཡུལ་མིའི་ཐོབ་ཐང་ལག་ཁྱེར་ཞུ་ལེན་བྱེད་པར་སྟབས་བདེ་སྔར་ལས་མང་བ་མཁོ་འདོན་བྱེད་དགོས་པ་དང་། ཡུལ་མིའི་ཐོབ་ཐང་ལག་ཁྱེར་སྤྱི་ཚོགས་ཐོག་བཀོལ་སྤྱོད་བྱེད་རྒྱུར་སྔར་ལས་བདེ་འཇགས་ཆེ་བའི་ཁོར་ཡུག་བསྐྲུན་དགོས་ཞེས་ནན་བཤད་གནང་བ་རེད།